સરાહનિય / ટ્રાન્સજેન્ડર્સ માટે મોદી સરકારનો મહત્વનો નિર્ણય: મફતમાં કરાવી શકશે સેકસ ચેન્જ ઓપરેશન, આ યોજનાનો મળશે લાભ 

• કેન્દ્ર સરકાર દ્વારા ટ્રાન્સજેન્ડર સમુદાયને લઈ મોટો નિર્ણય
• ટૂંક સમયમાં જ ટ્રાન્સજેન્ડરો સેક્સ રિસોસાઇમેન્ટ સર્જરી થશે ફ્રી 
• કેન્દ્ર સરકારે ટ્રાન્સજેન્ડર સમુદાયને આયુષ્માન ભારત યોજનાનો લાભ મળશે 

કેન્દ્ર સરકારે ટ્રાન્સજેન્ડર સમુદાયને લઈને મોટો નિર્ણય લીધો છે. ટૂંક સમયમાં જ ટ્રાન્સજેન્ડરો ફ્રી સેક્સ રિસોસાઇમેન્ટ સર્જરી કરાવી શકશે. હાલમાં આ સર્જરી દેશની કોઈપણ હોસ્પિટલમાં મફત નથી. બુધવારે કેન્દ્ર સરકારે ટ્રાન્સજેન્ડર સમુદાયના લોકોને આયુષ્માન ભારત યોજનાનો લાભ આપવાની જાહેરાત કરી છે.

નેશનલ હેલ્થ ઓથોરિટી (NHA) અને સામાજિક ન્યાય અને અધિકારીતા મંત્રાલય વચ્ચે પણ એક એમઓયુ પર હસ્તાક્ષર કરવામાં આવ્યા હતા. કેન્દ્રીય આરોગ્ય મંત્રી ડો. મનસુખ માંડવિયાએ જણાવ્યું કે, ટ્રાન્સજેન્ડરને આયુષ્માન ભારત યોજના હેઠળ વાર્ષિક પાંચ લાખ સુધીની મફત સારવારની સુવિધા પણ મળશે. ટ્રાન્સજેન્ડર પ્રમાણપત્ર તેની પાત્રતા માટે ફરજિયાત છે, જે સરકારના રાષ્ટ્રીય પોર્ટલ દ્વારા જાહેર કરવામાં આવે છે.

A landmark transformational reform in the society under PM @NarendraModi Ji's leadership.

With new MoU signed between @MSJEGOI & @MoHFW_INDIA, Transgender persons will get composite healthcare services under Ayushman Bharat PM-JAY.

📖 Take a look at the benefits of the scheme. pic.twitter.com/YgomR6FCSn

— Dr Mansukh Mandaviya (@mansukhmandviya) August 24, 2022

શું કહ્યું મનસુખ માંડવિયાએ ? 

નવી દિલ્હીમાં ડૉ. આંબેડકર ઇન્ટરનેશનલ સેન્ટરમાં આયોજિત કાર્યક્રમમાં ડૉ. માંડવિયાએ કહ્યું કે, આયુષ્માન યોજના પરિવારો માટે છે પરંતુ આ સમાજ પરિવાર સાથે સંબંધિત નથી. એટલા માટે અમે ટ્રાન્સજેન્ડર સમાજને પાંચ લાખનો વીમો આપવા માટે પરિવારની વ્યાખ્યા બદલી છે. દેશમાં 4.80 લાખ ટ્રાન્સજેન્ડર નોંધાયેલા છે.

@Drvirendrakum13 and @mansukhmandviya jointly signed an MoU with the National Health Authority today for providing free healthcare services to Transgender Population under Ayushman Bharat PM-JAY SMILE (Transgender Swasthya Suraksha).#MakeInclusiveReal @PMOIndia @narendramodi pic.twitter.com/gLB5B7HRD6

— Ministry of SJ&E (@MSJEGOI) August 24, 2022

NHA CEOએ શું કહ્યું ? 

NHA CEO ડૉ. આર.એસ. શર્માએ માહિતી આપી હતી કે, ટ્રાન્સજેન્ડરને આયુષ્માન ભારતના 1200 થી વધુ પેકેજનો લાભ મળશે. આ સાથે તેઓ લિંગ પણ બદલી શકશે. આને લગતા આરોગ્ય પેકેજની જાહેરાત કરવામાં આવશે. આ અંગે કામ ચાલી રહ્યું છે.

અત્રે ઉલ્લેખનિય છે કે, આયુષ્માન ભારત યોજનાના લાભાર્થી કાર્ડ પર હવે તમને કેન્દ્ર અને રાજ્ય સરકારની આરોગ્ય યોજનાનો લોગો જોવા મળશે. આયુષ્માન કાર્ડ પર બ્રાન્ડિંગને લઈને કેન્દ્ર અને રાજ્ય સરકારો વચ્ચે લાંબા સમયથી વિવાદ ચાલી રહ્યો હતો, જેના કારણે મંત્રાલયે તમામની સહમતિથી આ ફેરફાર કરવાનો નિર્ણય લીધો હતો. માંડવિયાએ જણાવ્યું કે,  બ્રાન્ડિંગ કાર્ડ પર કેન્દ્ર અને રાજ્ય બંને કી દેખાશે.