સજાનું એલાન / પાટણ: પહેલીવાર ડમીકાંડ કેસમાં કોર્ટનો ઐતિહાસિક ચુકાદો, 3 ડમી પરીક્ષાર્થીઓને ફટકારી આટલી સજા, દંડ 10 હજાર

પાટણમાં એસએસસીની પરીક્ષા દરમ્યાન પરીક્ષા કેન્દ્ર પર વર્ષ 2018 માં ડમી પરીક્ષાર્થી પરીક્ષા આપતા ઝડપાયો હતો. આ કેસનાં ચાર આરોપીઓને આઈપીસી કલમ 419/11 માં એક વર્ષની સાદી કેદ અને રૂપિયા દસ હજારનો દંડ ફટકાર્યો હતો. અને દંડ ન ભરે તો વધુ બે માસની સાદી કેદની સજા ફટકારી હતી. તેમજ આઈપીસી 417/114 અંતર્ગત દોષિત ઠેરવીને છ માસની સાદી કેદની સજા અને એક એક હજારનો દંડ ફટકાર્યો હતો.

ડમી પરીક્ષાર્થી ગોંવિદભાઈ લાભુભાઈ ઠાકોર ભદ્રાડા તા. સમી, અને આસીફખાન નગરખાન મલેક રહે. વારાહી. તા. સાંતલપુર વાળાઓ સજા સંભળાવતી વખતે કોર્ટમાં હાજર હતા. જ્યારે ભરત મેઘરાજ ચૌધરી રહે. જારૂસા, તા. સાંતલપુરવાળો કોર્ટમાં હાજર ન હોવાથી તેની સામે સજા વોરંટ ઈશ્યં કરવાના પાટણ જીલ્લા મેજિસ્ટ્રેટ યુ.એસ.કાલાણીએ આદેશ આપ્યો હતો.

વધુ વાંચોઃ BZ પોન્ઝી સ્કીમની તપાસમાં નવા ખુલાસા, કૌભાંડમાં 307 કરોડના આર્થિક વ્યવહાર મળ્યા, 11 કંપની રચી આવી રીતે કર્યો કાંડ

આ બાબતે સજા ફટકારતી વખતે જજ યુ.એસ,કાલાણીએ જણાવ્યું હતું કે, આ કેસમાં બંને પક્ષકારોની દલીલો સાંભળવામાં આવી છે. તેમજ આરોપીઓ સામે શાળામાં છેતરવાનાં ઈરાદાથી મુળ વિદ્યાર્થીની જગ્યાએ પરીક્ષા આપવા માટે આવ્યા હોવાનો આક્ષેપ પુરવાર થાય છે. ત્યારે આરોપીઓએ શાળા સંસ્થાને છેંતરવાનો પ્રયાસ કર્યો છે. સમાજમાં આવા પ્રકારનાં ગુના વધતા જાય છે. સમાજમાં દાખલો બેસે તેવી સજા કરવી જોઈએ.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ