આજથી સરકાર ઘણા નિયમોમાં મોટા ફેરફારો કરવા જઈ રહી છે. તેની સીધી અસર બેંકથી લઈને સામાન્ય લોકો સુધીના ગ્રાહકોના ખિસ્સા પર પડશે. જેથી એક વાર આ વાંચી લો નહીંતર ગૂંચવાઈ જશો.
EPFમાં ત્રણ મહિના માટે અપાયેલી રાહત પાછી ખેંચવામાં આવી
ગાડી અને બાઇક ખરીદી કરવી પણ હવે સસ્તી થઈ શકે છે
ગાડી અને બાઇક ખરીદનાર પર વીમો ખરીદવો ફરજિયાત નથી
આ નવા નિયમોથી એક બાજુ રાહત મળશે તો બીજી બાજુ જો ધ્યાન રાખવામાં નહીં આવે તો આર્થિક નુકસાન પણ થઈ શકે છે. આજથી EPFમાં ત્રણ મહિના માટે અપાયેલી રાહત પાછી ખેંચવામાં આવી છે. કોરોનાને કારણે જુલાઈ સુધી 10 ટકા અંશદાન આપવાનો નિર્ણય લેવાયો હતો. જે હવેથી 12 ટકા યોગદાનનો નિયમ લાગુ પડશે.
બીજી તરફ ગાડી અને બાઇક ખરીદી કરવી પણ હવે સસ્તી થઈ શકે છે. તેમજ ઈન્શ્યોરન્સ પોલિસીમાં બદલાવ આવતા ફાયદો થશે. ઈરડાએ વાહનો પરના પેકેજના કવરનો નિર્ણય પરત લીધો છે. જેને લઈને હવેથી કાર ખરીદનારને 3 વર્ષ અને સ્કૂટર ખરીદનારને 5 વર્ષનો વીમો ખરીદવો ફરજિયાત નથી.
આ ઉપરાંત રોકડ પ્રવાહ અને ડિજિટલ ટ્રાન્ઝેક્શનને પ્રોત્સાહન આપવા માટે, ઘણી બેન્કોએ આજથી લઘુત્તમ બેલેન્સ રાખવાની જાહેરાત કરી છે. બેંકોમાં ત્રણ મફત ટ્રાંઝેક્શન બાદ ફી પણ લેવામાં આવશે. ગેસ સિલિન્ડરના ભાવમાં પણ વધારાની શક્યતા સેવાઈ રહી છે. આ તમામના નિયમો ધ્યાનથી વાંચી લેવા નહીંતર આર્થિક નુકશાન વેઠવાનો વારો આવી શકે છે.