આજે નાણાંકીય વર્ષ 2018-19નો છેલ્લો દિવસ છે. સાથે જ ઘણા એવા નિયમ છે જેને પૂર્ણ કરવાનો પણ આજે છેલ્લો દિવસ છે. આ તારીખોથી જોડાયેલા જરૂરી કામો તમે આજે જ પૂર્ણ કરી દો નહીં તો આગળ જઇને પરેશાની થઇ શકે છે. જાણો 1 એપ્રિલથી તમારી લાઇફ પર શું અસર પડવાની છે.
પાન કાર્ડ
પાન કાર્ડને આધાર કાર્ડ સાથે લિંક કરવાની અંતિમ તારીખ 31 માર્ચ છે. 31 તારીખ સુધીમાં પાન કાર્ડને ભુલ્યા વિના આધાર સાથે લિંક કરી દેવું કારણ કે ત્યારબાદ પાનકાર્ડ કોઈ કામનું રહેશે નહીં. સુપ્રીમ કોર્ટના આદેશ અનુસાર આમ ન કરનાર વ્યક્તિને આગામી નાણાકીય વર્ષમાં બેન્કોના કામ કરવામાં સમસ્યા થઈ શકે છે.
ઑટોમેટિક પીએફ ટ્રાન્સફર
1 એપ્રિલથી કર્મચારી ભવિષ્ય નિધિ સંગઠન મોટો ફેરફાર લાગૂ કરી શકે છે. નવા નિયમ હેઠળ હવે નોકરી બદલવા પર તમારો પીએફ પોતાની રીતે ટ્રાન્સફ થઇ જશે. કહેવાનો અર્થ એ છે કે નોકરીયાત લોકોને આવતા નાણાંકીય વર્ષથી નોકરી બદલવા પર PF અમાઉન્ટ ટ્રાન્સફર કરવાનો અનુરોધ કરવાની જરૂર પડશે નહીં.
બંધ થશે ટીવી કેબલ અને DTH કનેક્શન
ટ્રાઈના નિયમાનુસાર ટીવી ચેનલ પેકેજ પસંદ કરવા માટે પણ તમારી પાસે 31 તારીખ સુધીનો સમય છે. આ તારીખ સુધીમાં પોતાના માટે ખાસ પેક પસંદ કરી લેવું નહીં તો તમને મનોરંજન પુરું પાડતું ટીવી પણ બંધ થઈ જશે.
સસ્તા ઘરનું સપનું પૂરું
જો તમે સસ્તું ઘર ખરીદવાનું વિચારી રહ્યા છો તો 1 એપ્રિલથી તમને તક મળવાની છે. વાસ્તવમાં રિયલ એસ્ટેટ સેક્ટર માટે જીએસટીના નવા દર 1 એપ્રિલથી લાગૂ થવાના છે. આ હેઠળ નિર્માણાધીન મકાનો પર 12% થી ઘટાડીને 5 ટકા અને સસ્તા દરોના ઘરે 8 થી ઘટાડીને 1 ટકા જીએસટી કરી દેવામાં આવ્યો છે. આ નિયમના લાગૂ થવાનો ફાયદો એ હશેકે નિર્માણાધીન અને સસ્કા ઘરોની કિંમત પહેલાની સરખામણીએ સસ્તી થઇ જશે.
GST રિટર્ન
કારોબારીઓ માટે વાર્ષિક જીએસટી રિટર્ન ભરવાની અંતિમ તારીખ પણ 31 માર્ચ છે. વ્યાપાર સાથે જોડાયેલા લોકોએ વેચાણ, ખરીદી અને ઈનપુટ ટેક્સ ક્રેડિટની સંપૂર્ણ જાણકારી આપવી પડશે.
મોબાઇલની જેમ વીજળી બીલ રિચાર્જ
1 એપ્રિલથી તમે મોબાઇલની જેમ વીજળીનું પણ રિચાર્જ કરી શકશો. એનો અર્થ એ છે કે હવે ગ્રાહક 30 દિવસો માટે ફરજીયાત ચુકવણીની જગ્યાએ માત્ર એટલી ચુકવણી કરશે જેટલો વીજળીનો ઉપયોગ કરશો. વાસ્તવમાં, વીજળીના વધતા બીલની ફરિયાદોનો હલ નિકાળવા માટે સરકારે આ પહેલ કરી છે.
સસ્તી થશે લોન
1 એપ્રિલથી દરેક પ્રકારની લોન સસ્તી થઈ જશે. કારણ કે ત્યારબાદ બેન્ક આરબીઆઈ દ્વારા નક્કી કરેલા રેપો રેટના આધારે લોન આપશે. તેના કારણે લોકો પર આવતું ભારણ ઘટશે. બેન્ક પોતાની લોનની ગણના અલગ અલગ બેંચમાર્કથી કરે છે. 1 એપ્રિલ પછી જે ગ્રાહકોની લોન માર્જિનલ કોસ્ટ ઓફ લેંડિંગ રેટ સાથે જોડાયેલી હશે તેમનું ભારણ ઘટશે.
રેલ યાત્રીઓ માટે સુવિધા
1 એપ્રિલથી રેલ યાત્રીઓને એક નવી સુવિધા મળવાની છે. વાસ્તવમાં ભારતીય રેલવે હવે સંયુક્ત પેસેન્જર નેમ રેકૉર્ડ જારી કરશે. એનો અર્થ સ્પષ્ટ છે કે રેલ યાત્રી એક યાત્રાદરમિયાન એક બાદ એક બીજી ટ્રેનમાં સફર કરશે તો એને સંયુક્ત PNR મળશે. હાલ એક યાત્રા માટે 2 ટ્રેન બુક કરો છો તો યાત્રીઓના નામ પર 2 અલગ અલગ પીએનઆર નંબર જનરેટ થાય છે. નવા નિયમ બાદ હવે પહેલાની સરખામણીમાં રિફન્ડ મળવું સરળ થઇ જશે.
કાર બાઈક થશે મોંઘા
1 એપ્રિલ પછી કાર અને બાઈક્સની ખરીદીમાં પણ મોંઘવારી નડશે. ટાટા મોટર્સ, જગુઆર, લેંડ રોવર ઈંડિયા અને ટોયોટા મોટર્સએ કારની કીમતોમાં વધારો થવાની ઘોષણા કરી છે. આ સાથે જ બાઈકની કીમતો વધવાની ઘોષણા થઈ ચુકી છે. કારના ભાવમાં આગામી માસથી 25 હજારનો વધારો થઈ જશે.