દીવાળી પહેલા ફૂટ્યો મોંઘવારીનો બોંબ TV AC સહિત 19 વસ્તુના ભાવમાં વધારો

દેશના સામાન્ય નાગરીકો પર ફરી એકવાર મોંઘવારીનો બોજ વધ્યો છે. કેન્દ્ર સરકારે 19 ચીજવસ્તુઓ પર બેઝીક કસ્ટમ ડ્યૂટીમાં 2.5થી 10 ટકા સુધીનો વધારો કર્યો છે. કસ્ટમ ડ્યૂટીનો દર બુધવારની રાતથી લાગુ કરવામાં આવ્યો. સરકારે જે ચીજવસ્તુઓમાં કસ્ટમ ડ્યૂટીમાં વધારો કર્યો છે. 

જેમાં વોશિંગ મશીન ટીવી રેફ્રિજરેટર એસી જ્વેલરી સહિત કેટલીય ઘરેલૂ ઉપયોગમાં આવતી ચીજવસ્તુઓનો સમાવેશ છે. એટલે કે 19 ચીજવસ્તુઓનો ભાવ આજથી વધશે. પ્રાપ્ત વિગતો મુજબ જે ચીજવસ્તુઓ પર કસ્ટમ ડ્યૂટી વધારવામાં આવી છે.

તેમાં દેશમાં વાર્ષિક લગભગ 86 હજાર કરોડ રૂપિયાની આયાત થશે. નાણા મંત્રાલયે એક નિવેદનમાં જણાવ્યું કે 19 ચીજવસ્તુઓમાં કસ્ટમ ડ્યૂટી વધારવામાં આવી છે. જેથી હવે ફેસ્ટિવ સીઝન પહેલાં સરકારે કસ્ટમ ડ્યૂટી વધારીને દેશની જનતાને ઝટકો આપ્યો છે. 
 

The Central Government has taken tariff measures by way of increase in the basic customs duty to curb import of certain imported items. These changes aim at narrowing the current account deficit (CAD).In all the customs duty has been increased on these items: pic.twitter.com/JTAOlMTVsC

— ANI (@ANI) September 26 2018

ઉલ્લેખનીય છે કે હવે આયાત કરવામાં આવતા AC ફ્રિઝ તથા 10 કિલો સુધીનાં વોશિંગ મશીન પર આયાત ડ્યૂટી 10 ટકાથી વધારીને 20 ટકા કરી દેવામાં આવતા તેમાં ભાવ વધારો થવાની શક્યતા વધી છે. આ સાથે જ એર કન્ડીશનર તથા રેફ્રિજરેટરનાં કોમ્પ્રેશર પર પણ આયાત ડ્યૂટી 7.5 ટકા વધારીને 10 ટકા કરી દેવામાં આવી છે.

આપને જણાવી દઇએ કે A.C ફ્રિઝ સિવાય સ્પીકર પગરખાં રેડિયલ કાર ટાયર દાગીના સહિત વિવિધ પ્રકારનાં હીરા બાથરૂમની સામગ્રી રસોઇ અને ઘરોમાં ઉપયોગમાં આવતા વિવિધ પ્રકારના સામાન પ્લાસ્ટિકની કેટલીક ખાસ વસ્તુઓ તથા ઓફિસ સ્ટેશનરી ટ્રક તથા હવાઇ જહાજનાં ઇંધણો પર પણ ડ્યૂટી વધારી દેવામાં આવતા આમ જનતાને મોંઘવારીનો વધુ માર પડશે.