ગુરુવારે શેરબજાર ખૂલતાંની સાથે જ તેમાં મોટો કડાકો જોવા મળ્યો છે. સેન્સેક્સ 1800 પોઈન્ટ તૂટ્યો હતો જ્યારે નિફ્ટીમાં 500 પોઈન્ટનો કડાકો જોવા મળ્યો હતો. ક્રૂડમાં ઘટતા ભાવ અને કોરોના વાયરસની અસર શેર બજાર પર જોવા મળી હતી. ઉલ્લેખનીય છે કે 26 માર્ચ 2018 બાદ નિફ્ટી 10 હજાર પોઇન્ટની નીચે જોવા મળ્યો હતો. આ સાથે જ યસ બેંકના શેરમાં પણ આજે કડાકો જોવા મળ્યો હતો.
શેરબજારમાં આજે પણ કડાકો
શેરબજાર ખુલતાની સાથે જ સેન્સેક્સમાં 1800 પોઇન્ટનું ગાબડુ
ક્રુડમાં ઘટતા ભાવો અને કોરોના વાયરસની શેરબજાર પર અસર
આજે અઠવાડિયામાં સતત ત્રીજા દિવસે પણ ગુરુવારે શેરબજારમાં કડાકો જોવા મળ્યો છે. કોરોના વાયરસને કારણે બજારમાં કડાકો આવ્યો હતો. બોમ્બે સ્ટોક એક્સચેંજનો મુખ્ય સૂચકાંક સેન્સેક્સ 1,784.14 અંક એટલે કે 5.03 ટકાના ઘટાડા સાથે 33,903.26 પર ખુલ્યો છે. જ્યારે નેશનલ સ્ટોક એક્સચેંજનો નિફ્ટી 532.65 પોઇન્ટ એટલે કે 5.09 ટકા ઘટીને 9,925.75 ના સ્તર પર ખુલ્યો છે.
વૈશ્વિક બજારો પણ તૂટ્યા
વૈશ્વિક બજારોની વાત કરીએ તો યુએસ શેરબજારમાં બુધવારે જબરદસ્ત ઘટાડો નોંધાયો છે. બેંચમાર્ક ડાઉ જોન્સ 1,400 પોઇન્ટથી વધુ ઘટ્યો હતો, ત્યારબાદ એશિયન બજારોમાં પણ ઘટાડો જોવા મળ્યો હતો. સિંગાપોર એક્સચેંજમાં નિફ્ટી ફ્યૂચર્સ લગભગ 4 ટકાથી વધારે ઘટ્યો હતો. શરૂઆતના કારોબારમાં ટોક્યો બેંચમાર્ક નિક્કી 2.24 ટકા, દક્ષિણ કોરિયાની કોસ્પી 1.22 ટકા અને ઓસ્ટ્રેલિયાની એએસએસ 2.6 ટકા તૂટ્યો હતો.
આ કારણે આવ્યો ઘટાડો
વર્લ્ડ હેલ્થ ઓર્ગેનાઇઝેશન (WHO) એ કોરોનાને વિશ્વવ્યાપી રોગચાળો જાહેર કર્યો છે. ડબ્લ્યુએચઓનાં વડાએ કહ્યું કે કોવિડ -19 ને રોગચાળો (વિશ્વવ્યાપી રોગચાળો) ગણી શકાય. છેલ્લા 24 કલાકમાં દેશમાં કોરોનાના 12 નવા કેસ નોંધાયા છે. આ પછી, દર્દીઓની સંખ્યા 68 થઈ ગઈ છે. સરકારે 15 એપ્રિલ સુધી તમામ દેશોના ટૂરિસ્ટ વિઝા સ્થગિત કરી દીધા છે. આથી માર્કેટમાં ભારે ઘટાડો જોવા મળ્યો હતો.
આવી રહી પ્રમુખ શેરોની સ્થિતિ
દિગ્ગજ શેરોની વાત કરીએ તો આજે દરેક કંપનીઓ રેડ ઝોનમાં ખૂલી છે. મોટા શેરોમાં આઈઓસી, ઈંડસઈંડ બેંક, ટાટા સ્ટીલ, કોલ ઈન્ડિયા, વેદાંતા લિમિટેડ, બીપીસીએલ, ઇન્ફોસીસ, ટાટા મોટર્સ અને પાવર ગ્રિડ સામેલ છે.
સેક્ટોરિયલ ઈન્ડેક્સ પર નજર
સેક્ટોરિયલ ઈન્ડેક્સ પર નજર કરીએ તો આજે દરેક શેર ઘટાડા સાથે શરૂ થયા છે. તેમાં પીએસયૂ બેંક, પ્રાઈવેટ બેંક મીડિયા, આઈટી, ફાર્મા, એફએમસીજી, રિયલ્ટી, ઓટો અને મેટલ સામેલ છે.
પ્રી ઓપન સમયે આવી રહી શેર માર્કેટની સ્થિતિ
પ્રી ઓપન સમયે સવારે 9.10 મિનિટે શેર માર્કેટ રેડ ઝોનમાં ખૂલ્યું હતું. સેન્સેક્સ 1800 અંકના ઘટાડા સાથે ખૂલ્યો અને નિફ્ટી 500 અંકના ઘટાડા સાથે ખૂલ્યો હતો. 26 માર્ચ 2018 બાદ નિફ્ટી 10 હજાર પોઇન્ટની નીચે જોવા મળ્યો હતો.
ડોલરની સરખામણીએ 74.25ના સ્તરે ખૂલ્યો રૂપિયો
ડોલરની સરખામણીએ આજે 61 પૈસાના ઘટાડા સાથે 74.25ના સ્તરે રૂપિયો ખૂલ્યો છે. છેલ્લા કારોબારી દિવસે ડોલરની સરખામણીએ રૂપિયો 73.64ના સ્તરે બંધ થયો હતો.
બુધવારે સપાટ સ્તરે બંધ થયું હતું બજાર
શેરબજાર દિવસભરની વ્યસ્તતા પછી બુધવારે ફ્લેટ બંધ રહ્યો હતો. સેન્સેક્સ 62.45 અંક એટલે કે 0.18 ટકાના વધારા પછી 35,697.40 પર બંધ રહ્યો હતો. તે જ સમયે, નિફ્ટી 2.55 અંક એટલે કે 0.02 ટકાના ઘટાડા પછી 10,448.90 પર બંધ રહ્યો હતો.