• VTVGujarati.comની તપાસથી પરિવહનમંત્રીએ મેમો ભર્યો
• હજુ 5 સાંસદો અને 4 ધારાસભ્યના મેમા બાકી, જે હજુ સુધી નથી ભર્યા
• આર સી ફળદુની બાઈકનો હેલમેટ ન પહેર્યા અંગેનો દંડ હતો

ખુદ પરિવહન મંત્રી આર સી ફળદુએ 9 મહિને દંડ ભર્યો

ગુજરાતના પરિવહન મંત્રી આર.સી. ફળદુની હીરો હોન્ડા સ્પ્લેન્ડર GJ 10 AQ 6216 જેના પર હેલમેટ ન પહેરવા બદલ રાજકોટ પોલીસે જાન્યુઆરી 2019માં દંડ ફટકાર્યો હતો.  આ મેમો અંગે VTVGujarati.comના રિપોર્ટ બાદ આખરે મંત્રી આર સી ફળદુએ તે મેમો ભર્યો છે. પાકીટ ભુલી ગયા હોય તો પણ ઘર કે ઓફિસથી દંડ ભરવા માટે બીજા પાસેથી પૈસા મંગાવવાની નોબત ઉભી કરનારા પોલીસ મિત્રો પરિવહન મંત્રી 9 મહિના સુધી દંડ ના ભરે તો ય કશું કહેતા નથી. 

મંત્રી સાહેબે તો ભર્યા પણ હજુ આ નેતાઓ ક્યારે ભરશે

VTVGujarati.comના રિપોર્ટ બાદ પરિવહન મંત્રીએ તો મેમો ભરી દીધો પરંતુ એના સિવાયના 5 સાસંદ અને 4 ધારાસભ્યો ક્યારે મેમો ભરવાના છે. લોકસભાના સાંસદ રમેશ ધડૂક, દર્શના જરદોશ, મિતેશભાઈ પટેલ અને રાજેશ ચૂડાસમા તથા રાજ્યસાભાના સાંસદ મધુસુદન મિસ્ત્રીએ હજુ સુધી મેમા ભર્યા નથી. આ ઉપરાંત હર્ષ સંઘવી, લાખાભાઈ સાગઠિયા, બળદેવજી ઠાકોર, ઈમરાન ખેડાવાલા એ પણ હજુ સુધી મેમા ભર્યા નથી.

READ ALSO: લો ઉઘરાવો દંડ / EXCLUSIVE: શું ટ્રાફિકના નિયમો નેતાઓ માટે નથી? પોલીસ ચોપડે નેતાઓના ખુદના ટ્રાફિક દંડ બાકી