શરમજનક ઘટના / મહિસાગરમાં ગર્ભપાતની ઘટના અંગે VTV NEWSના અહેવાલની અસર, પોલીસે તપાસ કરી શરૂ

• મહિસાગરમાં ભૃણ હત્યા રેકેટનો મામલો 
• રાષ્ટ્રીય મહિલા આયોગના સભ્ય રાજુલ દેસાઈનું નિવેદન 
• આ ઘટના ખુબ જ નિંદનીય છે: રાજુલ દેસાઇ

મહિસાગર જિલ્લામાં ગર્ભપાતનું મોટું રેકેટ સામે આવતા ગાંધીનગર સુધી મામલો પહોંચ્યો છે. મહિલાના પેટમાં જ બાળકોની હત્યા કરવાનો કાળા કારોબારનો પર્દાફાશ થયો છે. આ અંગે અમદાવાદમાં મેડિકલ સેક્ટર સાથે જોડાયેલી મહિલાઓએ શરમજનક ઘટના ગણાવી છે. જવાબદારો પર કાયદેસર કાર્યવાહી કરવાની પણ માંગ ઉઠી રહી છે. મહિલાના પેટમાં જ બાળકની હત્યા કરવાનો વીડિયો જોઈને ગુજરાત મોડલ પર પણ સવાલો ઉઠ્યા છે. જે વીડિયો સામે આવ્યો તેમાં 4 મહિલાઓ ગર્ભવતી મહિલાનો ગર્ભપાત કરી રહી છે. આ મામલે ગૃહમંત્રી પ્રદીપસિંહ જાડેજાએ પણ પ્રતિક્રિયા આપતા કહ્યું કે, માહિતી બાદ સંપૂર્ણ ઘટના વિશે જાણકારી આપવામાં આવશે.

મહિલા આયોગના ચેરપર્સનની પ્રતિક્રિયા

મહિસાગરના સંતરામપુરમાં ભૃણ હત્યાનો મામલે મહિલા આયોગના ચેર પર્સન લીલાબેન અંકોલીયાએ પણ તીખી પ્રતિક્રિયા આપી છે. આ વિડીયો જોયા પછી મહિસાગર SP સાથે કરી ચર્ચા હતી. અને તાત્કાલિક તપાસ કરી પગલાં ભરવાની માગ કરી છે. જે દોષિત છે તેમના પર તાત્કાલિક કાર્યવાહી કરવામાં આવે તેવી પણ માગણી મહિલા આયોગના ચેર પર્સન દ્વારા કરાઈ છે. 

રાષ્ટ્રીય મહિલા આયોગના સભ્ય રાજુલ દેસાઈનું નિવેદન 

મહીસાગરમાં ભૃણ હત્યા રેકેટનો મામલે રાષ્ટ્રીય મહિલા આયોગના સભ્ય રાજુલ દેસાઈએ નિવેદન આપતા કહ્યું કે, આ ઘટના ખુબ જ નિંદનીય છે. આ પ્રકારની ઘટના અવારનવાર બની રહી છે. વહીવટી અને પોલીસને મહીલા આયોગ દ્વારા તપાસના આદેશ અપાશે. ઝડપી કાર્યવાહી કરી ગુનેગારોને સજા થવી જોઇએ.

મહિસાગરમાં ગર્ભપાતની ઘટનાનો વીડિયો સામે આવ્યા બાદ રાજ્યના નાયબ મુખ્યમંત્રીએ ગર્ભપાતનો વીડિયો સામે આવ્યાની ઘટનાને લઈને નિવેદન આપ્યું હતું કે, કોઈપણ સ્થળે ગર્ભપાત કરવો એ રાજ્યમાં ગેરકાયદેસર છે અને સમગ્ર મામલે તપાસ કરીને યોગ્ય પગલાં લેવાશે. 

વીડિયો મહિસાગર જિલ્લાના સંતરામપુર હોવાનો ખુલાસો

મહીસાગર જિલ્લામાં ગર્ભપાતનું મોટું રેકેટ થતું હોવાનું સામે આવ્યું છે. જે મહિલાના પેટમાં જ બાળકોની હત્યા કરવાનો કાળો કારોબાર સામે આવ્યો છે. કારોબાર સામે આવતા ઘેરા પ્રત્યાઘાતો પડ્યા છે. દોષિતો સામે પગલાં લેવાની માંગ ઉઠી રહી છે. રાજ્યભરમાં અનેક જગ્યાએ મંજૂરી વિના ગર્ભપાત કરી આપવામાં આવતા હોવાનો આક્ષેપ કરવામાં આવ્યો છે. વીડિયો સંતરામપુરનો હોવાનું બહાર આવ્યું છે. જે સંતરામપુરમાં અનેક જગ્યાએ ગર્ભપાતની હાટડીઓ ચાલી રહી છે.