આખરે તંત્રએ આળસ મરડીને સુરત સિવિલ હોસ્પિટલના બાળકોના ICU વિભાગનું બંધ ACને ચાલુ કર્યું
સુરતમાં VTVના અહેવાલની અસર
સિવિલના બાળકોના ICUમાં AC ચાલુ કરાયું
AC બંધ હોવાનો VTVએ અહેવાલ પ્રસિદ્ધ કર્યો હતો
સુરતમાં VTVના અહેવાલની અસર
અવાર-નવાર ચર્ચામાં આવતી સુરતની સિવિલ હોસ્પિટલમાં ગતરોજ બાળકોના ICU વિભાગમાં AC અને પંખા કેટલાક દિવસોથી બંધ હોવાનો અહેવાલ પ્રસિદ્ધ કર્યો હતો. જે બાદ સુરતના સિવિલના સત્તાધીશોએ આળસ મરડીને તાબડતોબ એક્શનમાં આવી ગયું હતું. અને તાત્કાલિક બાળકોના ICU વિભાગમાં છેલ્લા કેટલાક દિવસોથી બંધ પડી રહેલા AC અને પંખાને તાત્કાલિક શરૂ કર્યા હતાં
કલેક્ટરે સિવિલ સુપરિટેન્ડેન્ટ અને RMOને આડેહાથ લીધા હતા
ઉલ્લેખનીય છે કે, ગતરોજ VTVના એક અહેવાલમાં દર્શાવવામાં આવ્યું હતું કે, સુરતની સિવિલ હોસ્પિટલના બાળકોના વોર્ડમાં છેલ્લા કેટલાક દિવસોથી AC બંધ થઈ ગયું છે. જેને લઈને દર્દીના સબંધીને ઘરેથી પંખો લાવવાની નોબત આવી છે. જ્યારે કોઇ પેપર કે ફાઇલને પંખો બનાવી દર્દીને હવા નાંખી રહ્યા છે. બાળકોના વોર્ડમાં પણ 7 થી 8 પંખા પણ બંધ હાલતમાં છે.આમ AC બંધ હોવાનો અહેવાલ પ્રસિદ્ધ થતાની સાથે સુરત કલેક્ટરે સિવિલ સુપરિટેન્ડેન્ટ અને RMOને આડે હાથ લીધા હતાં. જે બાદ સત્તાધીશોએ સિવિલના વિવિધ વિભાગોએ સંકલન કરી AC ચાલુ કરી દીધું હતું.