અર્થવ્યવસ્થા / 2 ટકા PF કપાવવાથી જાણો તમારી સેલેરી પર થશે કેવી અસર અને કેટલું થશે નુકસાન, આવું છે સંપૂર્ણ ગણિત

• કોરોના સંકટમાં સરકારનો વધુ એક નિર્ણય
•  PFના યોગદાનમાં કર્યો 2 ટકાનો ઘટાડો
• જાણો સેલેરી પર અસર કરનારું સંપૂર્ણ ગણિત

હાલમાં આટલું આપવાનું હતું યોગદાન

વર્તમાન નિયમો અનુસાર કર્મચારીનો બેઝિક પગાર અને મોંઘવારી ભથ્થાના 12 ટકા  કર્મચારી ભવિષ્ય નિધિમાં જાય છે. એમ્પ્લોયર પણ સમાન રકમ એકઠી કરે છે. જો કે, સરકારની આ ઘોષણા પછી  કુલ 24 ટકાનું યોગદાન ઘટીને 20 ટકા કરવામાં આવશે. જો કે  આ નિયમ કેન્દ્રીય કર્મચારીઓને માટે લાગુ થશે નહીં.

કર્મચારીઓને થશે આ રીતે નુકસાન

ઉલ્લેખનીય છે કે હાલમાં કોરોના સંકટની વચ્ચે કર્મચારીઓને થોડી રાહત આપવા સરકારે આ નિર્ણય લીધો છે. તેનાથી દર મહિને તેમના પગારમાં વધારો થશે. પરંતુ, જો લાંબા ગાળે જોવામાં આવે તો કર્મચારીઓને બંને તરફી  નુકસાન વેઠવું પડશે. પહેલું એ કે ટેક્સ હેઠળ આવતા કર્મચારીઓના ટેક્સ એસેસમેન્ટનું ગણિત બગડશે. જ્યારે બીજી તરફ તેમના રિટાયરમેન્ટ ફંડને પણ અસર થશે. ઉલ્લેખનીય છે કે ઈપીએફ પર ક્મ્પાઉન્ડ વ્યાજ મળે છે,. એવામાં જો કર્મચારીની સેલેરી થોડી પણ વધે છે તો તેની તુલનામાં તેમને રિટાયરમેન્ટ ફંડ પર અસર થઈ શકે છે. 

કેવી રીતે વધશે તમારી ટેક હોમ સેલેરી

માની લો કે તમારો બેઝિક પગાર અને મોંઘવારી ભથ્થું (મૂળભૂત પગાર + ડી.એ.) મળીને દર મહિને રૂ. એમ્પ્લોયર દ્વારા દર મહિને EPFમાં સમાન રકમ જમા કરવામાં આવે છે. કર્મચારી અને એમ્પ્લોયરનું કુલ યોગદાન દર મહિને 12,000 રૂપિયા હશે. પરંતુ હવે નવી જાહેરાત બાદ આ રકમ ઘટાડીને 10,000 રૂપિયા કરવામાં આવશે.  બીજી તરફ તમારી આવક દર મહિને રૂ .1000 વધશે, જે તમારા બેઝિક પગાર અને મોંઘવારી ભથ્થાનો 2 ટકા હશે.  એમ્પ્લોયર દ્વારા આપવામાં આવેલ યોગદાનમાં પણ દર મહિને 2% ઘટાડો થશે. આવી સ્થિતિમાં તમારું CTC (Cost to Company) ઘટશે.

ટેક્સ પર પણ કરશે અસર

ઘટાડેલા EPF યોગદાન અને ટેક હોમ સેલેરીમાં વધારો તમારા ટેક્સને પણ અસર કરશે. કર ફક્ત આવકવેરાના સ્લેબના આધારે લાગુ થશે. આવી સ્થિતિમાં આ ત્રણ મહિનાનો તમારો વધારાનો પગાર પણ આવકવેરાના સ્લેબ તરીકે ગણવામાં આવશે.

આ ઉદાહરણથી સમજો ગણિત

ધારો કે તમારો પગાર દર મહિને 1000 રૂપિયા વધે છે અને જો તમે ઉચ્ચ ટેક્સ બ્રેકેટમાં આવો છો તો ટેક હોમ સેલેરીમાં ફક્ત રૂ. 700 નો વધારો થશે. બાકીની રકમ ટેક્સ તરીકે બાદ કરવામાં આવશે.

ટેક્સ બચાવવાની મુશ્કેલીમાં થશે વધારો

આવકવેરા અધિનિયમની કલમ 80 સી હેઠળ કર્મચારીઓ ઇપીએફ યોગદાન પર ટેક્સ છૂટનો લાભ મળે છે. હવે ઇપીએફનું યોગદાન ઘટી જશે, તેથી તમારે સેક્શન 80સીનો સંપૂર્ણ લાભ લેવા અન્ય રોકાણ વિકલ્પો તરફ વળવું પડશે. જો તમે આ નહીં કરો તો તમારે વધુ ટેક્સ ભરવો પડશે.

દા.ત. 

તમારું ત્રણ મહિનાનું પીએફ 18,000 રૂપિયા હશે અને જો તમે ઉચ્ચ ટેક્સ સ્લેબમાં હશો, તો તમે 5,400 રૂપિયાના ટેક્સ કપાતનો દાવો કરી શકો છો. પરંતુ હવે તમારું યોગદાન રૂ .15,000 પર આવશે અને કપાતનો દાવો પણ ઘટશે. 15,000 રૂપિયાના પીએફ યોગદાનના આધારે, તમે રૂ .4,500 ની કર કપાતનો દાવો કરી શકશો. હવે તમારે રૂ .3,000 ની વધારાની આવક પર ટેક્સ બચાવવા માટેના અન્ય રોકાણના વિકલ્પ વિશે વિચારવું પડશે.

રિટાયરમેન્ટ ફંડ પર પણ થશે અસર

સરકારના આ નિર્ણયની બીજી બાજુ એ પણ હશે કે તેની અસર કર્મચારીઓના નિવૃત્તિ ભંડોળને પણ થશે. પ્રોવિડન્ટ ફંડ્સ સામાન્ય રીતે શ્રેષ્ઠ નિવૃત્તિ બચત ઉત્પાદન માનવામાં આવે છે. હવે આ ત્રણ મહિના માટે, પીએફમાં ઓછું યોગદાન આપવાનું અર્થ ઓછું નિવૃત્તિ ભંડોળ પણ હશે.  ઉલ્લેખનીય છે કે પીએફ એકાઉન્ટ પર ચક્રવૃદ્ધ વ્યાજ મળે  છે.

જો કોઈ કર્મચારી અને એમ્પ્લોયર દર મહિને પીએફ ખાતામાં 12,000 રૂપિયા ફાળો આપે છે. અને આ કપાત પછી જો કર્મચારી 25 વર્ષ પછી નિવૃત્ત થાય છે તો આ તેમના નિવૃત્તિ ભંડોળને લગભગ 46,000 રૂપિયા પર અસર કરશે. આ ગણતરી  25 વર્ષોથી અમે પીએફ પર 8.55 ટકાના વ્યાજ દરના આધારે  કરી છે.