એડવાઈઝરી / કાબૂલ પર ફરી હુમલાની આશંકા, અમેરિકન દૂતાવાસે અમેરિકનોને કહ્યું અહીંથી જલ્દી નીકળો, એરપોર્ટ પર ન આવશો

• અમેરિકન દૂતાવાસે નાગરિકો માટે એક એડવાઈઝરી જારી કરી 
• અમેરિકન નાગરિકોને એરપોર્ટ પ્રવાસથી બચવા અને એરપોર્ટના ગેટોથી દૂર રહેવાની સલાહ 
• અમેરિકન સેનાએ તાલિબાનને કેટલાક રસ્તા બંધ કરવા માટે કહ્યું

કાબૂલ એરપોર્ટ પર તોડાઈ રહેલા સંકટને જોતા અમેરિકન દૂતાવાસે નાગરિકો માટે એક એડવાઈઝરી જારી કરી છે. અને સુરક્ષાના કારણે સર તેમને તાત્કાલીક ત્યાંથી નિકળવા કહ્યું છે.  

અમેરિકન નાગરિકોને એરપોર્ટ પ્રવાસથી બચવા અને એરપોર્ટના ગેટોથી દૂર રહેવાની સલાહ 

કાબૂલમાં અમેરિકન દૂતાવાસે પોતાની વેબસાઈટ પર એક નિવેદન જારી કરી કહ્યું છે કે કાબૂલ એરપોર્ટ પર સુરક્ષા સંકટના કારમે અમે અમેરિકન નાગરિકોને એરપોર્ટ પ્રવાસથી બચવા અને એરપોર્ટના ગેટોથી દૂર રહેવાની સલાહ આપવાનું જારી રાખ્યું છે. જે અમેરિકન નાગરિક એબી ગેટ, ઈસ્ટ ગેટ, નોર્થ ગેટ અથવા ન્યૂ મિનિસ્ટ્રી ઓફ ઈન્ટિરીયર ગેટ પર છે તેમને તાત્કાલિક ત્યાંથી નિકળી જવાનું કહેવામાં આવ્યું છે.  આ ચેતવણી એવા સમયે છે જ્યારે અમેરિકન રાષ્ટ્રપતિ જો બાયડનની સુરક્ષા ટીમે ચેતવ્યા છે કે કાબૂલમાં વધુ એક આતંકી હુમલો થઈ શકે છે. અમેરિકન પ્રેસિડન્ટે જણાવ્યું કે હુમલાના સંકટને જોતા નહીં સુરક્ષા વધારવામાં આવી  રહી છે.

અમેરિકન સેનાએ તાલિબાનને કેટલાક રસ્તા બંધ કરવા માટે કહ્યું

જેન સાકીએ જણાવ્યું કે કમાન્ડર્સે પ્રેસીડેન્ટને એ જાણકારી આપી છે કે ઈસ્લામિક સ્ટેટ ખોરાસનને પહોંચી વળવા માટે શું યોજના બનાવાઈ રહી છે. આ મુજબ આવનારા દિવસોમાં અફઘાનિઓને ત્યાંથી કાઢવાનું મિશન બહુ પડકાર જનક રહેશે.  બીજી તરફ અમેરિકન સેનાએ કહ્યું તે તેમણે તાલિબાનને કેટલાક રસ્તા બંધ કરવા માટે કહ્યું છે કેમ કે વાહનોમાં આત્મઘાતી હુમલાખોરોના આવવાની શક્યતા છે. તાલિબાને શુક્રવારે કાબુલ એરપોર્ટથી 1600 ફીટના અંતર પર એક બેરિકેટ ઉભા કરવા માટે લડાકોથી ભરેલ એક પિકઅપ ટ્રકનો ઉપયોગ કર્યો અને 3 હમવીસને પકડી લીધા છે. પેન્ટાગન અનુસાર અમેરિકન એસી-130 ગનશિપના ઉપયોગ સહિત નજર અને સુરક્ષા માટે હવાઈ અડ્ડા પર માનવ રહિત અને માનવ સહિત ઉડાન રાખશે.

અમેરિકન દૂતાવાસે કેટલીક સાવધાનીને લઈને એક લિસ્ટ જારી કર્યુ છે

• દરેક સમયે સાવધાન રહો. ખાસ કરીને ભીડવાળી જગ્યાએ
• કર્ફ્યૂ સંબંધિત આવનજાવન પર પ્રતિબંધ સહિત સ્થાનિક અધિકારીઓના નિર્દેશનું પાલન કરો
• ઈમરજન્સીની સ્થિતિ માટે એક આકસ્મિક યોજના બનાવો અને ટ્રાવેલર્સ ચેક લિસ્ટની સમીક્ષા કરો
• તાજા ઘટનાઓ અને સૂચનાઓ માટે સ્થાનિક મીડિયા પર નજર રાખો અને નવી જાણકારીના આધાર પર પોતાની યોજના બનાવો
• ફેસબુક અને ટ્વીટર પર રાજ્ય વિભાગને ફોલો કરો જેથી દરેક અપડેટ મળતી રહે.