આતંરરાષ્ટ્રીય મુદ્રા કોષ એટલે કે IMFએ પોતાની નવી વિશ્વ આર્થિક આઉટલુકમાં ભારતનાં આર્થિક વિકાસનાં અનુમાનને ઘટાડીને 6.8% જેટલું કરેલ છે.
ભારતનું વિકાસદર 6.8% જેટલું ઘટશે
IMFએ બગડતાં આંતરરાષ્ટ્રીય સંજોગોને જોતાં એલાન કર્યું
ફિચ રેટિંગ્સે પણ લગાવ્યા હતા આવા અનુમાન
IMF : આંતરરાષ્ટ્રીય મુદ્રા કોષએ મંગળવારે પોતાની નવીનતમ વિશ્વ આર્થિક આઉટલુકમાં ભારતનાં આર્થિક વિકાસદરનાં અનુમાનને ઘટાડેલ છે. તેને 6.8% જેટલું ઓછું કરી દીધેલ છે જેનું જૂલાઇમાં અનુમાન 7.4% સુધી હતું. આઇએમએફે બગડતાં આંતરરાષ્ટ્રીય સંજોગોને જોતાં આ એલાન કરેલ છે.
ભારતને લાગ્યો ફટકો
આ પહેલાં જૂલાઇમાં ભારતનાં વિકાસદરને 8.2% જેટલું ઘટાડતાં આંકડો 7.4 જેટલો નીચે ઊતાર્યો હતો. એટલે કે આશરે 0.8% જેટલો ઘટાડો તો જૂલાઇ મહિનામાં જ થઇ ગયો હતો. IMFનું કહેવું છે કે વૈશ્વિક ઘટનાઓની અસર અને કડક મોનિટરી પોલિસીને કારણે ભારતનું આર્થિક વિકાસદર ઓછું રહી શકે છે. આ અનુમાન RBIનાં અનુમાનથી થોડું વધારે છે. કેન્દ્રીય બેંક એટલે કે રિઝર્વ બેંક ઓફ ઇન્ડિયાએ વર્તમાન નાણાકીય વર્ષમાં જીડીપીનો દર 7.2% થી વધશે તેવું અનુમાન કર્યું હતું .
જીડીપીનું અનુમાન
સ્વાભાવિક છે કે વૈશ્વિક કારણોને લીધે આવનારા નાણાકીય વર્ષ એટલે કે 2023-24માં ભારતીય અર્થવ્યવસ્થાને 6.1%ના દરથી વધવાના અનુમાન કરવામાં આવી રહ્યાં છે. આઇએમએફે જૂલાઇમાં ,એપ્રિલ 2022માં શરૂ થયેલ નાણાકીય વર્ષમાં ભારત માટેનું ઘરેલું ઉત્પાદન અર્થાત GDPમાં 7.4%ની વૃદ્ધિ થઇ શકે છે તેવું જણાવ્યું હતુ. જાન્યુઆરીમાં આ અનુમાન 8.2%થી પણ ઓછું હતું. ભારતમાં નાણાકીય વર્ષ 2021-22માં આશરે 8.7%ના દરે આર્થિક વિકાસ થયો હતો.
ફિચ રેટિંગ્સની સ્થિતિ શું છે?
IMF પહેલાં ફિચ રેટિંગ્સે તાજેતર નાણાકીય વર્ષ માટે ભારતના આર્થિક વૃદ્ધિ અનુમાનને 7.8 ટકાનાં અંદાજને ઘટાડીને 7 ટકા કર્યો હતો. ફિચે જણાવ્યું હતું કે તે હવે જૂનમાં 7.8 ટકાના વૃદ્ધિ અનુમાનની સરખામણીમાં 2022-23માં ભારતીય અર્થતંત્ર 7 ટકાના દરે આર્થિક વૃદ્ધિની અપેક્ષા રાખે છે. ફેચે વધુમાં જણાવ્યું કે આગામી નાણાકીય વર્ષનાં વિકાસ દર 7.4 ટકાના અંદાજની સરખામણીએ ઘટીને 6.7 ટકા જેટલી ઘટવાની સંભાવના છે.