સ્વિટ્ઝરલેન્ડમાં ચાલી રહેલી વર્લ્ડ ઇકોનોમિક ફોરમ (WEF) ની 50મી વાર્ષિક મીટિંગમાં IMFના ચીફ ક્રિસ્ટાલિના જિઓરગીવાએ કહ્યું છે કે ભારતમાં આર્થિક મંદી થોડા દિવસો માટે જ છે. આગામી સમયમાં ફરીથી ઝડપી આર્થિક વિકાસ થવાની આશા છે.
બ્રાઝિલ, ભારત અને મેક્સિકો જેવા દેશો તેમની ક્ષમતા પ્રમાણે પ્રદર્શન કરી રહ્યા નથી: ગીતા ગોપીનાથ
.3 ટકા વૈશ્વિક આર્થિક વિકાસ વિશ્વ માટે શ્રેષ્ઠ છે: ક્રિસ્ટાલિના જિઓરગીવા
તમને જણાવી દઇએ કે આ અઠવાડિયે IMFએ વર્ષ 2019ની ભારતની આર્થિક વૃદ્ધિનો અંદાજો ઘટાડીને 4.8 ટકા કરી દીધો છે. IMFના ચીફ ઇકોનોમિસ્ટ ગીતા ગોપીનાથ કહે છે કે વર્ષ 2020 માં વૈશ્વિક વૃદ્ધિની ગતિ હજી અનિશ્ચિત છે. તેમણે આનું કારણ જણાવ્યું છે કે બ્રાઝિલ, ભારત અને મેક્સિકો જેવા દેશો તેમની ક્ષમતા પ્રમાણે પ્રદર્શન કરી રહ્યા નથી.
ક્રિસ્ટાલિના જિઓરગીવા એ જણાવ્યું હતું કે ઓક્ટોબર 2019 ની તુલનામાં, જાન્યુઆરી 2020 માં વિશ્વની અર્થવ્યવસ્થા સારી સ્થિતિમાં છે. અમેરિકા અને ચીન વચ્ચેની ટ્રેડ ડીલ પહેલા તબક્કામાં સફળ જવી એ વિશ્વ વ્યાપાર માટે વધુ સારા ચિહ્નો છે. તેમણે કહ્યું, 3.3 ટકા વૈશ્વિક આર્થિક વિકાસ વિશ્વ માટે શ્રેષ્ઠ છે.
વર્લ્ડ ઇકોનોમિક ફોરમ 2020ની બેઠકમાં ગીતા ગોપીનાથે કહ્યું કે ઐતિહાસિક રીતે વૈશ્વિક વેપારમાં હંમેશાં એક કરન્સીનો દબદબો રહ્યો છે. એક સમયે બ્રિટીશ પાઉન્ડનો ઉપયોગ સમગ્ર વિશ્વમાં વ્યવસાયિક વ્યવહારો માટે થતો હતો. હાલમાં ડોલરનો ઉપયોગ થઈ રહ્યો છે.
જો તમે ફરીથી ડોલરનું વર્ચસ્વ સુરક્ષિત રાખશો, તો તે યુરો અને અન્ય ત્રણ પરિબળોને અસર કરશે. સમગ્ર વિશ્વમાં નાણાકીય નીતિનું પ્રસારણ અમેરિકાથી થશે તેમજ અન્ય વસ્તુઓ પર તેની અસર થશે.