આ દિવસોમાં હવામાન બદલાઈ ગયું છે. ગરમીથી રાહતને પગલે તાપમાનમાં ઘટાડો થયો છે. હવામાન વિભાગે (Indian Meteorological Department) 2 ઓક્ટોબર (બુધવારે) દેશના કેટલાક ભાગોમાં ભારે વરસાદની ચેતવણી જાહેર કરી છે.
હવામાન વિભાગની આગાહી
દેશના વિવિધ હિસ્સામાં વરસાદની સંભાવના
હવામાન વિભાગની વેબસાઇટ પર જાહેર કરાયેલા એક બુલેટિન અનુસાર પૂર્વી ઉત્તર પ્રદેશ, પૂર્વ મધ્યપ્રદેશ, છત્તીસગઢ, નાગાલેન્ડ અને ત્રિપુરામાં કેટલાક સ્થળોએ ભારે વરસાદની સંભાવના વ્યક્ત કરી છે.
હળવા વરસાદની સંભાવના
ભારે વરસાદ બાદ પૂરને કારણે બિહારમાં જનજીવનને ભારે હાલાકી પડી છે, જ્યારે હવામાન વિભાગે 3 ઓક્ટોબર સુધી બિહાર અને ઓડિશાના હવામાનમાં ફેરફાર થશે. હવામાન વિભાગના જણાવ્યા અનુસાર ગાજવીજ સાથે હળવા વરસાદની સંભાવના છે.
હવામાન વિભાગ દ્વારા જાહેર કરાયેલ ચેતવણી મુજબ, 6 ઓક્ટોબર(રવિવાર)ના રોજ અસમ, મેઘાલય, નાગાલેન્ડ, મણીપુર, મિઝોરમ અને ત્રિપુરામાં ભારે વરસાદની સંભાવના વ્યક્ત કરી છે.
બિહારના હાલ બેહાલ
આપને જણાવી દઇએ કે, બિહારમાં ભારે વરસાદ બાદ પૂરને કારણે લોકોને હજી રાહત મળી નથી. રાજ્ય ચારે બાજુ છલકાઇ ગયું છે. ભાગલપુર અને પટના પૂરના પાણીને કારણે સૌથી વધુ અસરગ્રસ્ત છે. પટનામાં લાખો લોકો ફસાયેલા છે.
ચાર-પાંચ ફૂટ સુધી ભરાયા પાણી
અહીં ચારથી પાંચ ફૂટ પાણી ભરાયા છે. લોકોને મદદ કરવા માટે, સૈન્યએ હેલિકોપ્ટર દ્વારા લગભગ 6200 ફૂડ પેકેટ પહોંચાડવામાં આવ્યા છે. સરકારે લોકોની મદદ માટે 19 રાહત શિબિરો ઉભા કરી છે.