પૂર્વાનુમાન / ઠંડા ઠંડા કૂલ કરી નાખતી IMDની આગાહી, આ તારીખથી ચોમાસું આપશે દસ્તક

દેશભરમાં ચાલી રહેલી ગરમીની લહેર વચ્ચે આઇએમડીએ રાહતના સમાચાર આપ્યા છે.ભારતીય હવામાન વિભાગ (આઇએમડી) એ કહ્યું છે કે આગામી 5 દિવસ દરમિયાન કેરળમાં ચોમાસાની શરૂઆત માટે પરિસ્થિતિઓ અનુકૂળ થવાની સંભાવના છે. આ પહેલા પણ આઇએમડીએ આ મામલે આગાહી કરી હતી.

દક્ષિણ-પશ્ચિમ ચોમાસુ 31 મેના રોજ કેરળમાં આવે તેવી શક્યતા

સામાન્ય રીતે ચોમાસુ કેરળમાં 1 જૂનના રોજ આવે છે, પરંતુ આઇએમડીનું કહેવું છે કે આ વર્ષે દક્ષિણ-પશ્ચિમ ચોમાસુ 31 મેના રોજ કેરળમાં આવે તેવી શક્યતા છે આઇએમડીના ડાયરેક્ટર જનરલ મૃત્યુંજય મહાપાત્રાએ કહ્યું હતું કે તે વહેલું નથી, તે સામાન્ય તારીખની આસપાસ છે, કારણ કે કેરળમાં ચોમાસાની શરૂઆતની સામાન્ય તારીખ 1 જૂન છે.

સામાન્ય કરતાં વધુ વરસાદની આગાહી

આઇએમડીએ દક્ષિણ-પશ્ચિમ ચોમાસા દરમિયાન સામાન્ય કરતાં વધુ વરસાદની આગાહી કરી છે, જે પૂર્વમાં જૂનથી સપ્ટેમ્બર સુધી ચાલે છે.

નબળા પડી રહેલા 'રેમલ "તીવ્ર ચક્રવાતી તોફાનના આગમન બાદ પશ્ચિમ બંગાળ અને બાંગ્લાદેશના દરિયાકાંઠાના કેટલાક ભાગોમાં ભારે વરસાદ અને ભારે પવન આવી રહ્યો છે.

આ પણ વાંચોઃ ભારત-પાકિસ્તાન જેસલમેર બોર્ડર પર BSF જવાન શહીદ, હીટસ્ટ્રોકના કારણે ગયો જીવ

આઇએમડીના જણાવ્યા અનુસાર, દરિયાકાંઠાના બાંગ્લાદેશ અને તેની આસપાસના દરિયાકાંઠાના પશ્ચિમ બંગાળ પર ચક્રવાતી તોફાન રેમલ છેલ્લા 6 કલાક દરમિયાન 15 કિમી પ્રતિ કલાકની ઝડપે ઉત્તર તરફ આગળ વધ્યું છે અને આજે નબળું પડવાની શક્યતા છે.

ઉત્તર ભારતમાં હજુ કેટલાક દિવસ રહેશે હિટ વેવ

ઉત્તર ભારતમાં આગામી કેટલાક દિવસો સુધી ગરમીનું મોજું યથાવત રહેશે. ભારતીય હવામાન વિભાગના જણાવ્યા અનુસાર આગામી કેટલાક દિવસો સુધી દિલ્હી-એનસીઆર, પંજાબ, હરિયાણા અને રાજસ્થાનના કેટલાક ભાગોમાં હીટવેવની સ્થિતિ રહેશે.