હવામાન વિભાગે કહ્યું કે વેસ્ટર્ન ડિસ્ટર્બન્સના કારણે 16 ડિસેમ્બરે હળવા વરસાદની શક્યતા છે. જાણો ક્યાં ક્યાં થશે વરસાદ.
વેસ્ટર્ન ડિસ્ટર્બન્સના કારણે 16 ડિસેમ્બરે હળવા વરસાદની શક્યતા
આ 10 રાજ્યો અને યુટીમાં ઠંડીની લહેરની આશંકા
દિલ્હીમાં વધી શકે છે ઠંડી
ભારતીય હવામાન વિભાગે (IMD) કેટલાક રાજ્યોમાં હળવા વરસાદ અને ઠંડીની લહેર ચાલવાને લઈને એલર્ટ જારી કર્યુ છે. હવામાન વિભાગે કહ્યું કે વેસ્ટર્ન ડિસ્ટર્બન્સના કારણે 16 ડિસેમ્બરે હળવા વરસાદની શક્યતા છે. આ સાથે હવામાન વિભાગના કેટલાક રાજ્યોમાં ભારે ઝાકળની ચેતવણી આપવામાં આવી છે.
આ 10 રાજ્યો અને યુટીમાં ઠંડીની લહેરની આશંકા
IMDએ કહ્યું કે પંજાબમાં 20 ડિસેમ્બર સુધી અને હરિયાણા, ચંદીગઢ અને ઉત્તરી રાજસ્થાનમાં 18થી 20 ડિસેમ્બર સુધી ઠંડીની લહેર ચાલવાની આશંકા છે. આ સાથે IMDએ 16 અને 17 ડિસેમ્બરે સવારના સમયે પંજાબ, આસામ, મેઘાલય, મણિપુર, નાગાલેન્ડ, ત્રિપુરા અને મિઝોરમના અલગ અલગ ભાગોમાં ભારે ઝાકળ પડવાની પણ ચેતવણી આપી છે.
આ રાજ્યોમાં થઈ શકે છે વરસાદ
IMD અનુસાર આગલા 3 દિવસ દરમિયાન પશ્ચિમ હિમાલયી વિસ્તારમાં હળવો વરસાદ થઈ શકે છે. આ ઉપરાંત 16 ડિસેમ્બરની આસપાસના મેદાનમાં હળવો વરસાદ થઈ શકે છે. જ્યારે ઉત્તરાખંડમાં 16થી 17 ડિસેમ્બરે વરસાદ અને બરફ વરસાદ થઈ શકે છે. આની સાથે હવામાન વિભાગે આશંકા વ્યક્ત કરી છે કે પંજાબ, હરિયાણા અને પશ્ચિમ યુપીમાં વાદળા છવાયેલા રહેશે અને હળવો વરસાદ થશે.
દિલ્હીમાં વધી શકે છે ઠંડી
દિલ્હીમાં બુધવારે પારો 7.8 ડિગ્રી સેલ્સિયલ સુધી ગયો જ્યારે અધિક્તમ તાપમાન 22.5 ડિગ્રી રહ્યો. હવામાન વિભાગ અનુસાર ન્યૂનતમ તાપમાન સામાન્યથી એક ડિગ્રી ઓછું રહ્યું. IMD અનુસાર ગુરુવારે વેસ્ટર્ન ડિસ્ટર્બનના લીધે અમી છાંટા થઈ શકે છે. હિમાલય તરફથી ઠંડા અને સુકી ઉત્તરપશ્ચિમી હવાને લીધે શુક્રવારે પારો હજું નીચે આવવાની શક્યતા છે. હવામાન કાર્યાલયના એક અધિકારી એ જણાવ્યું કે અઠવાડિયાના અંત સુધી ન્યૂનતમ તાપમાન 5 ડિગ્રી સુધી નીચે જઈ શકે છે.