IPLIN
 

ખરેખર? / વિરાટ કોહલી બની જશે ઓલરાઉન્ડર? ઓસ્ટ્રેલીયા સામેની મેચ અગાઉ કરી બોલિંગ પ્રેક્ટિસ, PHOTOS જોઈ વિશ્વાસ નહીં થાય

Team VTV 04:40 PM, 20 Sep 22 | Updated: 04:46 PM, 20 Sep 22
Follow us
images of virat kohli practicing bowling are getting viral

પંજાબ ક્રિકેટ એસોસિએશને ટ્વિટર પર અમુક તસવીરો પોસ્ટ કરી છે, જેમાં વિરાટ કોહલીની બોલિંગ પ્રેક્ટિસ જોવા મળે છે.

  • કોહલીની બોલિંગ પ્રેક્ટિસની તસવીરો વાયરલ 
  • પંજાબ ક્રિકેટ એસોસિએશને ટ્વિટર પર શેર કરી તસવીરો 
  • એશિયા કપમાં  હોંગકોંગ સામે કરી હતી બોલિંગ  

કોહલીની બોલિંગ પ્રેક્ટિસની તસવીરો વાયરલ 

પૂર્વ ભારતીય કપ્તાન વિરાટ કોહલી આજકાલ બેટિંગ ઉપરાંત બોલિંગમાં પણ ધમાલ મચાવવાની તૈયારીમાં છે. કોહલી આજે ઓસ્ટ્રેલીયા સામે મોહાલીમાં ટી20 મેચ રમવા માટે ઉતરશે. 

આ મેચની પ્રેક્ટિસ દરમિયાન વિરાટ કોહલીએ બોલિંગમાં પણ પરસેવો વહાવ્યો છે. કોહલીએ ક્રોસ લેગ એક્શન સાથે બોલિંગની પણ પ્રેક્ટિસ કરી હતી. તેમની તસવીરો જોઈને એવું લાગી રહ્યું છે કે તેઓ મેચમાં બોલિંગ માટે પ્રેક્ટિસ કરી રહ્યા છે. 

પંજાબ ક્રિકેટ એસોસિએશને ટ્વિટર પર શેર કરી તસવીરો 

પંજાબ ક્રિકેટ એસોસિએશને ટ્વિટર પર અમુક તસવીરો પોસ્ટ કરી છે, જેમાં વિરાટ કોહલીની બોલિંગ પ્રેક્ટિસ જોવા મળે છે. મોહાલીનાં આઈએસ બિન્દ્રા સ્ટેડિયમમાં કોહલીએ લગભગ 30 મિનિટ સુધી બોલિંગ પ્રેક્ટિસ કરી. 

પીસીએએ તસવીરો શેર કરતાં આ લખ્યું છે કે જોઈએ આ મેચમાં કોણ ઓપનિંગ બોલિંગ કરશે. આના પર યુઝર્સે પણ ઘણી કમેંટ્સ કરી છે. એક યુઝર લખે છે કે ટીમને 7 મો બોલિંગ ઓપ્શન મળી ગયો છે. 

એશિયા કપમાં  હોંગકોંગ સામે કરી હતી બોલિંગ  

કોહલીએ હાલમાં જ એશિયા કપમાં પણ હૉંગકૉંગ સામે બોલિંગ કરી હતી. ત્યારે કોહલીએ લગભગ 7 વર્ષો બાદ ઇન્ટરનેશનલ ટી20 મેચમાં બોલિંગ કરી હતી. આ પહેલા કોહલીએ 31 માર્ચ  2016ના રોજ ટી20 ઇન્ટરનેશનલ મેચમાં બોલિંગ કરી હતી. ત્યારે વેસ્ટઈન્ડિઝ સામે મેચમાં 1.4 ઓવરમાં 15 રન આપીને એક વિકેટ પણ મેળવી હતી. 

એશિયા કપમાં વિરાટ કોહલીએ હૉંગકૉંગ સામે મેચમાં એક ઓવર બોલિંગ કરી હતી અને 6 રન આપ્યા હતા. જોકે, કોઈ વિકેટ નહોતી મળી શકી. ટી20 ઇન્ટરનેશનલમાં કોહલીની આ પહેલી ઓવર હતી. આ ઓવરનો વીડિયો સોશિયલ મીડિયા પર વાયરલ પણ થયો હતો. 

Virat Kohli વિરાટ કોહલી ક્રિકેટ Gujarati News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ