સમાજવાદી પાર્ટીની સાંસદ જયા બચ્ચને કહ્યું કે ડ્રગ્સ અને બૉલીવુડને બદનામ કરવાનું ષડયંત્ર કરવામાં આવી રહ્યું છે. સમાજવાદી પાર્ટીના સાંસદે મંગળવારે રાજ્યસભામાં આ નિવેદન આપ્યું છે. તેઓએ કોઇપણનું નામ લીધા વગર ભાજપના સાંસદ રવિ કિશન પર નિશાન તાક્યું.
જયા બચ્ચને કહ્યું કે કાલે લોકસભામાં એક સાંસદે બૉલીવુડને લઇને નિવેદન આપ્યું. તેઓ બૉલિવુડ ઇન્ડસ્ટ્રીઝથી આવે છે. આ શરમજનક છે. જયા બચ્ચને કહ્યું કે જે થાળીમાં ખાવ છો, તેમાં છેદ કરો છો, આ ખોટી વાત છે.
ઉલ્લેખનીય છે કે ભોજપુર સુપરસ્ટાર અને ભારતીય જનતા પાર્ટીના સાંસદ રવિ કિશને સોમવારે લોકસભામાં ડ્રગ ટ્રેફિકિંગના મુદ્દાને ઉઠાવ્યો હતો. ભાજપ સાંસદે કહ્યું કે ફિલ્મ ઇન્ડસ્ટ્રીઝમાં તેનો ઉપયોગ કરવામાં આવી રહ્યો છે. NCBએ ઘણા લોકોને પકડ્યા છે. તેમને કેન્દ્ર સરકારે તેમાં મોટા સ્તર પર તપાસ કરવાની અપીલ કરી છે.
Just because there are some people, you can't tarnish the image of the entire industry. I am ashamed that yesterday one of our members in Lok Sabha, who is from the film industry, spoke against it. It is a shame: Samajwadi Party MP Jaya Bachchan in Rajya Sabha https://t.co/cSvxi5dioc
ડ્રગ્સ કેસમાં બૉલીવુડના કેટલાક સ્ટાર્સના નામ સામે આવી ચૂક્યા છે. સાંસદ જયા બચ્ચને કહ્યું કે બૉલીવુડને બદનામ કરવાનું ષડયંત્ર ચાલી રહ્યું છે. મનોરંજન ઉદ્યોગ દરરોજ 5 લાખ લોકોને સીધો રોજગાર આપે છે. દેશની આર્થિક સ્થિતિ ઠીક નથી અને વસ્તુઓ પરથી ધ્યાન હટાવવા અમારો ઉપયોગ કરવામાં આવી રહ્યો છે. સોશિયલ મીડિયા પર અમારી પર નિશાન સાધવામાં આવે છે.
જયા બચ્ચને કહ્યું કે અમે સરકારમાંથી પણ સમર્થન મળી રહ્યું નથી. જે લોકોએ ફિલ્મ ઇન્ડસ્ટ્રીઝથી નામના મેળવી છે તેમણે તેને ગટર કહ્યું. હું તેનું સમર્થન કરતી નથી.
સમાજવાદી પાર્ટીના સાંસદે કહ્યું કે આ ઇન્ડસ્ટ્રીઝમાં કેટલાક એવા લોકો પણ છે જે સૌથી વધારે ટેક્સ ભરે છે, તેમ છતાં તેને પરેશાન કરવામાં આવે છે. ફિલ્મ ઇન્ડસ્ટ્રીઝને લઇને કેટલાક વચન આપવામાં આવ્યાં, પરંતુ તે ક્યારે પુરા થયા નથી. સરકારે એન્ટરટેઇમેન્ટ ઇન્ડસ્ટ્રીઝના સમર્થનમાં આવવું જોઇએ.