હિમાચલના ભુતુંરમાં કેન્દ્રીય મંત્રી નીતિન ગડકરીની સામે જ સીએમ જયરામ ઠાકુરના સુરક્ષા અધિકારી તથા કુલ્લુના એસપી ગૌરવની વચ્ચે મારામારીની ઘટના બની છે.
હિમાચલના ભુતુંર એરપોર્ટ બહારની ઘટના
કેન્દ્રીય મંત્રી નીતિન ગડકરી ઉદ્ધાટન પ્રસંગે હિમાચલ આવ્યાં હતા
ગડકરીના સ્વાગતમાં સીએમ ઠાકુરનો કાફલો પહોંચ્યો
સીએમ ઠાકુરના સુરક્ષા અધિકારી અને કુલ્લુ શહેરના એસપી વચ્ચે થઈ મારામારી
ઘટનાનો વીડિયો વાયરલ થતા લોકો ભડક્યાં
સીએમ જયરામ ઠાકુરના સુરક્ષા અધિકારી તથા કુલ્લુના એસપી ગૌરવની વચ્ચે મારામારીની ઘટનાનો એક વીડિયો પણ વાયરલ થયો છે.
શું છે ઘટના
કેન્દ્રીય મંત્રી નીતિન ગડકરી એક ઉદ્ધાટન પ્રસંગે હિમાચલના મનાલીમાં આવ્યાં હતા. સીએમ જયરામ ઠાકુર પોતાના કાફલા સાથે ગડકરીનું સ્વાગત કરવા ભુતુર એરપોર્ટ પહોંચ્યા હતા. કુલ્લુ શહેરના એસપી ગૌરવ પણ સીએમની સુરક્ષામાં તહેનાત હતા. આ દરમિયાન કોઈ વાતે વાંકુ પડતા એસપી ગૌરવે સીએમ જયરામ ઠાકુરના સિક્યુરીટી અધિકારી બૃજેશ સુદને થપ્પડ મારી દીધી હતી. આ જોઈને ઉશ્કેરાયેલા બૃજેશ સુદે પણ એસપી ગૌરવને લાત તથા મુક્કા મારવા લાગ્યા. મુખ્યમંત્રી અને કેન્દ્રીય મંત્રીની હાજરીમાં બનેલી આ ઘટનાને કારણે અધિકારીઓના માથા શરમથી ઝૂકી ગયા.
સીએમ ઠાકુરના સિક્યુરીટી અધિકારી તથા એસપી વચ્ચે મારામારી
સીએમ જયરામ ઠાકુરના સિક્યુરીટી અધિકારી બૃજેશ સુદ તથા એસપી ગૌરવ વચ્ચે ચડભડ થઈ હતી અને સીએમના સિક્યુરીટી અધિકારીએ એસપી ગૌરવને લાત અને મુક્કા મારવા લાગ્યા હતા. જાહેરમાં લડી રહેલા બન્ને અધિકારીઓએ વિચાર્યું પણ નહીં હોય કે તેમની આ શરમજનક હરકત લાખો લોકો જોશે. જોતજોતામાં તો આ ઘટનાનો એક વીડિયો પણ વાયરલ થવા લાગ્યો અને લાખો લોકોએ તેને નિહાળ્યો તથા સરકાર પર પસ્તાળ પાડી હતી.