દેશ માટે ગૌરવ / વિદેશમંત્રી જયશંકર બન્યાં દુનિયાના લાડકા, હવે UAEએ કર્યાં મ્હોંફાટ વખાણ, ખુશ થઈ જવાય તેવું કહ્યું

• વિદેશમંત્રી જયશંકર બન્યાં દુનિયાના લાડકા 
• દુનિયાના દેશો કરી રહ્યાં છે વખાણ
• હવે  UAEએ કર્યાં મ્હોંફાટ વખાણ
• UAEના મંત્રીએ કહ્યું- જયશંકરથી ખૂબ પ્રભાવિત 

ભારતના વિદેશમંત્રી એસ જયશંકરને દુનિયા ખૂબ પસંદ કરવા લાગી છે. પહેલા રશિયા, યુક્રેન, બ્રિટન અને હવે યુએઈ પણ તેમના વખાણ કરવામાંથી પાછળ રહ્યું નથી. દુનિયાના અનેક દેશો તેમના કામકાજ અને વિચારોના વખાણ કરી ચૂક્યા છે, આ દિશામાં હવે વધુ એક દેશ ઉમેરાયો છે. સંયુક્ત આરબ અમીરાતના આર્ટિફિશિયલ ઇન્ટેલિજન્સ રાજ્યમંત્રી ઓમર સુલતાન અલ ઓલામાએ બુધવારે વિદેશ મંત્રી એસ જયશંકરની પ્રશંસા કરી હતી. જયશંકરે ભૂ-રાજનીતિની લડાઇમાં વૈશ્વિક મંચ પર જે રીતે ભારતીય વિદેશ નીતિ રજૂ કરી છે તેનાથી તેઓ પ્રભાવિત છે.

ભારતીય વિદેશમંત્રીથી ખૂબ પ્રભાવિત થયો- યુએઈ મંત્રી 
ઓમર સુલતાન અલ ઓલામાએ દિલ્હી સ્થિત એક થિંક ટેન્ક દ્વારા આયોજિત એક સંમેલન દરમિયાન જયશંકરની પ્રશંસા કરી હતી. તેમણે આ કોન્ફરન્સમાં વર્ચ્યુઅલી ભાગ લીધો હતો. "ઐતિહાસિક રીતે, વિશ્વ એકધ્રુવીય, દ્વિધ્રુવી અને ત્રિપોલર છે, જ્યાં તમારે બાજુ પસંદ કરવાની છે. હું તમારા વિદેશ પ્રધાનથી ખૂબ જ પ્રભાવિત છું. મેં તેના કેટલાક ઉદાહરણ જોયા છે. 

#WATCH via ANI Multimedia | UAE’s Minister for Artificial Intelligence Omar Sultan Al Olama's praise for EAM Dr S Jaishankar. https://t.co/x8XCdvBwli

— ANI (@ANI) October 26, 2022

ભારત, અમેરિકા અને યુએઈ સાથે મળીને કામ કરી શકે છે
સુલતાન અલ ઓલામાએ કહ્યું કે જો યુએઈ ભારત સાથે કામ કરે છે, તો તેનો અર્થ એ નથી કે તે અમેરિકા સાથે કામ કરી શકશે નહીં. આપણે ત્રણે સાથે મળીને કામ કરી શકીએ. ભારત-ઇઝરાયલ-યુએઈ-યુએસએ ગ્રુપ તેનું વધુ સારું ઉદાહરણ છે.

અનેક દેશો જયશંકરના વખાણ કરી ચૂક્યા છે 
ઉલ્લેખનીય છે કે દુનિયાના અનેક દેશો અત્યાર સુધી જયશંકરના વખાણ કરી ચૂક્યા છે જેમાં રશિયા, યુક્રેન, બ્રિટન, અમેરિકા સહિતના બીજા કેટલાક દેશો છે. દુનિયાના દેશોને જયશંકરની વિદેશનીતિ ખૂબ પસંદ આવી છે. જયશંકર વૈશ્વિક મંચ પર જે રીતના વિચારો રજૂ કરી રહ્યાં છે તેનાથી તેઓ ખૂબ પ્રભાવિત થયા છે.