દારૂબંધી / ક્યારે ગુજરાત ડ્રાય સ્ટેટ બનશે? સુરતમાં ધમધમતાં દારૂના અડ્ડાનો વીડિયો ફરી વાયરલ

આ વીડિયોમાં વલ્લભનગર શાકમાર્કેટમાં શાકભાજીના વહેચાણની નજીક જ દારુડિયાઓ દારૂ પી રહ્યા છે. જ્યારે બુટલેગરો દારૂ પણ આપી રહ્યો છે. અગાઉ પણ વલ્લભનગર શાકમાર્કેટમાં દારૂનો અડ્ડો ચાલે છે તેવો વીડિયો વાયરલ થયો હતો પરંતુ ઉંઘતી પોલીસ કંઈ કરી ના શકી.

નવાઈની વાત તો એ છે કે પુણા વિસ્તારનું પોલીસ સ્ટેશન વલ્લભનગરથી વોકીંગ ડિસ્ટન્ટ છે છતાં પણ પોલીસને ખબર જ નથી કે અહીં આટલાં મોટા અડ્ડાઓ ચાલે છે. જો કે એવી શક્યતા પણ સેવાઈ રહી છે કે આ બુટલેગરો અને દારૂડિયાઓ પર કોઈ મોટા માથાનો હાથ છે જેથી પોલીસ પણ પગલાં ભરતાં ડરે છે.  

પોલીસ પેટ્રોલિંગ તો કરે છે પણ કોને પકડે છે અને કોને છોડી દેશે એ હવે માત્ર PCR વાનમાં બેસનાર પોલીસ અધિકારીઓ જ જાણતાં હશે. પુણા પોલીસ સ્ટેશનથી વોકીંગ ડિસ્ટન્ટ પર ચાલતાં અડ્ડઓ  વિશે પોલીસ જાણતી ન હોય તો આપણી સુરક્ષા વિશે તો થશે એ તો રામ જ જાણે.