કફ સિરપનું ગેરકાયદેસર વેચાણ નશા તરીકે તેના બંધાણીઓ કરે છે ઉપયોગ

અમદાવાદઃ કફ સિરપનું ગેર કાયદેસર વેચાણ થાય છે. રાજ્યના ફુડ એન્ડ ડ્રગ વિભાગે કફ સિરપની ગેર કાયદેસર વેચાણ કરતા 70થી વધુ કેમિસ્ટના ત્યા દરોડા પાડ્યા હતા. જ્યાં 10થી 12 મેડિકલ સ્ટોરમાં ગરબડી પકડાઇ હતી.

ફુડ એન્ડ ડ્રગ વિભાગના કમિશ્નર હેમંત કોશિયાએ કહ્યું હતું કે કફ સિરપમાં કોડેઇન નામનો કેફી પદાર્થ હોય છે જેને નશા તરીકે તેના બંધાણીઓ ઉપયોગ કરતા હોય છે. કફ સિરપના વેચાણમાં વધારો થયો હતો.

પરંતુ મેડિકલ સ્ટોર પાસે જાવકના કોઈ બિલ નથી. જેથી મેડિકલ સ્ટોરને નોટિસ આપી ખુલાસો માંગ્યો હતો. જો ખુલાસો નહી આપે તો લાયસન્સ કેન્સલ કરાશે.