સુરત / ગેરકાયદેસર ધમધમે છે ગર્ભપરિક્ષણની હાટડીઓ, લગામ ક્યારે?

સુરતના વરાછા વિસ્તારમાં આવેલી જીવન જ્યોત હોસ્પિટલમાં ગેરકાયદે ગર્ભ પરીક્ષણ કરવામાં આવતું હોવાનું વિગત સામે સામે આવી હતી. જોકે આ મામલે એક મહિના પહેલા ફરિયાદ મળતા અધિકારી દ્વારા આ મામલે વોચ રાખવામાં આવી હતી. આજ રોજ સુરત હેલ્થ કેર વિભાગ દ્વારા ક્રાઇમ બ્રાન્ચ પોલીસને જોડે રાખીને રેડ પાડવામાં આવી હતી. જેને પગલે આખો મામલો બહાર આવ્યો હતો. હેલ્થ કેર વિભાગને હોસ્પિટલમાંથી એક સોનોગ્રાફી મશીન પણ મળી આવ્યું હતું. જે મશીન હેલ્થ કેર વિભાગમાં રજીસ્ટર થયું ન હતું. 

જોકે આ રેડ માટે અધિકારી દ્વારા ટ્રેપ પણ ગોઠવામાં આવી હતી. જેમાં પુરાવા મળતા આજ રોજ રેડ કરવામાં આવી અને સોનોગાફીનું મશીન પણ સીલ કરવામાં આવ્યુ છે. આ માસીને પરીક્ષણ માટે FSL મોકલવામાં આવશે અત્યારે તો આ હોસ્પિટના સંચાલક પોલીસે અટકાયત કરી છે. તે ઉપરાંત પોલીસે ત્યાં રહેલ અન્ય સ્ટાફ એક પુરુષ અને 4 જેટલી મહિલાની પણ પૂછપરછ હાથ ધરી છે. જોકે આ મામલે મશીન સાથે હોસ્પિટલને પણ સીલ મારવામાં આવશે.

જોકે આ પહેલી ઘટના નથી ભૂતકાળમાં પણ આવી ઘટના સામે આવી હતી. અધિકારી દ્વારા હોસ્પિટલને સીલ મારવા સાથે તબીબના લાયસન્સ રાડ કરવાની તજવીજ પણ કરવામાં આવી છે. આ ઘટનામાં ફરિયાદ આવતા કાર્યવાહી કરવામાં આવી  જેને લઈને  હેલ્થ કેર વિભાગઅધિકારીની કામગીરી પર સવાલ થઇ રહિયા છે કારણ કે આ વિસ્તાર માં આ પ્રકાર ની અનેક ક્લિનિક ચાલે છે તો પછી ત્યાં કેમ ચેકિંગ કરવામાં આવતી નથી જેને લઈને આવી હાટડીઓ વરાછા વિસ્તાર ચાલી રહી છે.