રાજકોટ શહેરમાં વધુ એક ગર્ભ પરિક્ષણનો કિસ્સો સામે આવ્યો છે. જેમાં આરોપીઓ ઘરે જઈ UKથી લાવેલા મશીન દ્વારા ગર્ભ પરીક્ષણ કરતાં હતા
ગેરકાયદે ગર્ભ પરીક્ષણનો પર્દાફાશ
રાજકોટ પોલીસે ફોડ્યો ભાંડો
બે આરોપીની ધરપકડ
રાજકોટમાંથી ગેરકાયદે ગર્ભપરીક્ષણ ઝડપાયું છે. ક્રાઈમબ્રાંચે રેડ કરી હતી. મહિલા પોલીસ દ્વારા ટ્રેપ ગોઠવવામાં આવી હતી. પ્રાથમિક આરોગ્ય કેન્દ્રમાં નોકરી કરતા બે આરોપી ઝડપાયા છે. નયન ગિરનારા અને બીનાબેન ડેડા નામના બે આરોપીની ધરપકડ થઇ છે. આ સાથે કુલ રૂ.6 લાખ 87 હજારનો મુદ્દામાલ કરવામાં કબ્જે કરવામાં આવ્યો છે. આરોપીએ ગર્ભ પરીક્ષણ કરાવવા માટે UKથી મશીન મંગાવ્યું હતું. જેને વેટનરી ફૂડના નામે મગાવવામાં આવ્યું હતું.
આરોપીઓ ઘરે જઇને ગર્ભ પરીક્ષણ કરાવતા હતા: DCP
રાજકોટ ક્રાઇમ બ્રાન્ચ દ્વારા ટ્રેપ ગોઠવી ગર્ભપરિક્ષણ કરતા આરોપીને ઝડપી પાડવામાં આવ્યા હતા.રણછોડ નગરમાં ટ્રેપ ગોઠવી હતી આ અંગે ડી સી પી મનોહરસિંહ જાડેજા દ્વારા જણાવ્યું હતું કે નયન ગિરનારા અને બીના ડેડા નામના બે આરોપી ઝડપાયા છે.આ આરોપી નયન ઉનાનો વતની હોવાનું ખુલ્યું હતું.આરોપી નયન આરોગ્ય કેન્દ્રમાં કોન્ટ્રાક્ટ બેઝ પર કામ કરે છે .નયને જે યુ.કે. માંથી મશીન મંગાવી ગર્ભ પરીક્ષણ કરતો હતો.
આરોપી મહિલાનું કામ ગ્રાહક શોધવાનું હતું
એક મહિલા બીના ઉર્ફે મીરા દ્વારા ગ્રાહક શોધવામાં આવ્યા હતા. જે ગ્રાહક ગર્ભ પરીક્ષણ કરાવવા માંગતા ગ્રાહકો શોધવામાં આવતા હતા.જે ગ્રાહક ઈચ્છે તેઓને તેના ઘરે જઈને ગર્ભ પરીક્ષણ કરી આપવામાં આવતું હતું.અંદાજીત 15 હજાર જેટલો ખર્ચ વસુલવામાં આવતો.
2 આરોપી સાથે લાખોનો મુદ્દામાલ કબજે
પરીક્ષણ બાદ ગર્ભ પાત કરાવવાની વાત પણ સામે આવી છે.21 જેટલા ગર્ભ પરીક્ષણ કરવામાં આવ્યાનું ખુલ્યું હતું.આરોપી પાસેથી હોન્ડા સિટી કાર , મોબાઈલ અને રોકડ રકમ મળી કુલ રૂ.6 લાખ 87 હજાર નો મુદ્દામાલ કબજે કરવામાં આવ્યો હતો.