કાયદો-કાનૂન / રાજકોટમાં જ્યાં-ત્યાં સંપત્તિ લેતા પહેલા કરજો ચકાસણી, સરકારી જમીન પર ગેરકાયદે બાંધકામ પર ફર્યા બુલડોઝર

• રાજકોટમાં ભૂમાફિયા બિલ્ડરના વાંકે શેડધારકો, દુકાનદારો દંડાયા
• સરકારી જમીન ઉપર ઔદ્યોગિક શેડ બનાવીને કારખાનેદારોને છેતર્યા
• 5 હજાર ચો.મીટર જમીનમાં ગેરકાયદે બાંધકામ ઉભુ કરી દેવાયું

રાજકોટમાં આજે તંત્ર દ્રારા કોઠારિયા વિસ્તારમાં મેગા ડિમોલિશનની કામગીરી હાથ ધરવામાં આવી હતી.ઘટનાની વિગતે વાત કરીએ તો કોઠારિયા વિસ્તારમાં આવેલ સરકારી જમીન પર ભૂમાફિયાઓએ બેફામ થઈને દબાણ કરી તેમા મોટુ એસ્ટેટ બનાવી દીધુ હતું. તેમાં શેડ અને દુકાનો બનાવી સામાન્ય લોકોને રૂ.100ના સ્ટેમ્પ પેપર પર લખાણ કરી વેચી દીધી હતી. જિલ્લા કલેકટરના આદેશથી તંત્ર દ્વારા લેન્ડ ગ્રેબિંગ અંગે મેગા ડ્રાઈવનું આયોજન કરવામા આવ્યું હતું.

રૂપિયા 100ના સ્ટેમ્પ પર લોકોને દુકાન વેચી દેવાનો ખુલાસો

તે દરમિયાન તંત્રને આ ગેરકાયદે દબાણ થયું હોવાની માહિતી પ્રાપ્ત થઈ હતી. તંત્ર દ્વારા હવે આ એસ્ટેટનું દબાણ દૂર કરવાની કામગીરી હાથ ધરવામાં આવી છે. ઉલ્લેખનીય છે કે એક બાજુ તંત્ર સજાગ હોય તેમ વર્તન કરી રહ્યું છે. પરંતુ બીજી તરફ પોતાની સરકારી જમીન પર જ ભૂમાફિયાઓ દબાણ કરી લે તે તંત્રને મોડે મોડે જાણ થાય તે કેટલું યોગ્ય. તંત્રની કામગીરીથી અનેક લોકો છેતરાયા હોવાની માહિતી પણ સામે આવી રહી છે. જો યોગ્ય સમયે તંત્ર જાગ્યું હોત અને આ એસ્ટેટ બને તે પહેલા જ જો તેને અટકાવ્યું હોત અને નાના માણસો છેતરપિંડીનો ભોગ ન બને.