કૌભાંડ / વલસાડમાં ગેરકાયદે કેમિકલ નિકાલનું કૌભાંડ ઝડપાયું, LCBએ આવી રીતે કર્યો પર્દાફાશ

• ગેરકાયદે કેમિકલ વેસ્ટ નિકાલનું કૌભાંડ ઝડપાયુ
• વાઇટલ લેબ નામની કંપનીનો જથ્થો ઝડપાયો
• LCBએ ત્રણ આરોપીની કરી ધરપકડ

દક્ષિણ ગુજરાતનાં કેટલાક વિસ્તારોમાં વાયુ પ્રદુષણ ફેલાવતા કેમિકલ્સ એકમ સામે કેન્દ્રથી માંડીને રાજ્ય સરકાર ઉપરાંત GPCB પણ કરડાકીભરી નજર રાખી રહ્યું છે.ખાસ કરીને વાપી પ્રદૂષિત જગ્યા તરીકે વધુ પ્રચલિત છે. આ વચ્ચે વલસાડમાં એક મોટું  કેમિકલ કૌભાંડ ખુલ્લુ પડ્યું છે. જેમાં વલસાડ  જિલ્લાને પ્રદુષિત કરવાનું કૌભાંડ ઝડપાયું. 

કેમિકલ વેસ્ટનનો ગેરકાયદે  નિકાલ

વલસાડ જિલ્લામાં એક જાણીતી કંપની દ્વારા ગેરકાયદે કેમિકલ નિકાલનું કૌભાંડ સામે આવ્યું છે. પોલીસ વિભાગે આ વાઇટલ લેબોરેટરી કંપનીના સંચાલકો વિરૂદ્ધ નોંધાયો ગુનો નોંધી વધુ તપાસ હાથ ધરી છે.કંપની દ્વારા કંપનીના કેમિકલ વેસ્ટને ગેરકાયદે  નિકાલ કરાતો હતો. આ કેસમાં વલસાડ  LCBએ 3 આરોપીની કરી ધરપકડ કરી કાયદેસરની કાર્યવાહી હાથ ધરી છે.જ્યારે 
કંપનીના ડિરેક્ટર સહિત ચાર લોકોને વોન્ટેડ જાહેર કરાયા છે.વાપી રાજ્યની સૌથી મોટી જીઆઇડીસી છે.જેમાં  નાની મોટી હજારો કેમિકલ કંપનીઓ આવેલી છે .આ કેમિકલ કંપનીઓમાંથી નીકળતા ઝેરી કેમિકલ કચરાના નિકાલ માટે સરકાર દ્વારા જાહેર કરવામાં આવેલા ધારાધોરણ અને વૈજ્ઞાનિક પદ્ધતિથી નિકાલ કરવાનો હોય છે.. પરંતુ વાપીમાં એવી અનેક કેમિકલ કંપનીઓ છે  જે કાયદેસર રીતે સરકારી ધારાધોરણ મુજબ વૈજ્ઞાનિક પદ્ધતિથી કેમિકલ કચરાના નિકાલ કરવાને બદલે પૈસા બચાવવા  પર્યાવરણને નુકસાન કરે તેવી રીતે કેમિકલ કચરાને બારોબાર ગેરકાયદેસર રીતે નિકાલ કરતા હોવાના અનેક બનાવો બહાર આવે છે

અગાઉ પણ ઝડપાયા છે ષડયંત્ર 

આ અગાઉ પણ અનેક વખત કેમિકલ કંપનીઓ દ્વારા ચોરીછૂપીથી કેમિકલ કંપની કચરાના નિકાલ કરવાના ષડયંત્રનો પર્દાફાશ કરી ચૂક્યા છે.. ત્યારે ફરી એક વખત વાપીની વાઈટલ લેબોરેટરી નામની આ કંપની દ્વારા કંપની ના ઝેરી કેમિકલ પ્રવાહી કચરાનો ટેન્કર અને  ટેમ્પોમાં ભરી અને નિકાલ કરવા માટેનો પ્રયાસ થયો હતો .કંપની દ્વારા ખોટા  ઇન્વોઇસ અને ઈ વે બીલને  સાચા તરીકે ઉપયોગ કરી આ ઝેરી કેમિકલ કચરાનો નિકાલ કરવાનો પ્રયાસ કરવામાં આવી રહ્યો હતો.. જેની જાણ વાપી વલસાડ એલસીબી પોલીસને થતાં પોલીસે જીઆઇડીસી વિસ્તારમાંથી કંપનીમાંથી કેમિકલ પ્રવાહી કચરો ભરી અને નિકાલ કરવા જઈ રહેલા  ટેન્કર અને ટેમ્પો ને  ઝડપી ત્રણ આરોપીઓની ધરપકડ કરી છે.સાથે જ કંપનીના સંચાલક અને મેનેજરને પણ આરોપી બનાવી તેમના વિરોધ પણ કાયદેસરની કાર્યવાહી હાથ ધરી છે.

કચરા નિકાલનો 'શોર્ટકટ'

મહત્વપૂર્ણ છે કે કેમિકલ કંપનીઓમાંથી ઉત્પાદન બાકી નીકળતા કેમિકલ પ્રવાહી કચરાના નિકાલ માટે સરકાર દ્વારા વૈજ્ઞાનિક પદ્ધતિથી તેનો નિકાલ કરવાના નિયમ બનાવ્યા છે જોકે વૈજ્ઞાનિક પદ્ધતિસર કેમિકલ કચરા ના  નિકાલ  કરવાની પદ્ધતિમાં મોટો ખર્ચો થાય છે.આથી આથી કેમિકલ કંપનીઓ ઝેરી કેમિકલ કચરાના વૈજ્ઞાનિક ઢબે નિકાલ કરવા માટે  થતા મોટા ખર્ચ થી બચવા ચોરી છૂપીથી નજીવી  રકમ આપી કેટલાક ભંગારીયા તત્વોને કેમિકલ કચરાના નિકાલ કરવાનું સોંપવામાં આવે છે.આથી આવા ભંગારીયા તત્વો આ ઝેરી કેમિકલ કચરાને નજીવી રકમની લાલચે  પર્યાવરણને નુકસાન થાય તેવી રીતે ચોરી છૂપીથી મન ફાવે તેમ  નિકાલ કરતા હોવાના બનાવો બને છે..

હવે જાગશે વિભાગ 

આ અગાઉ પણ અનેક વખત આવા બનાવો સામે આવી ચૂક્યા છે.. ત્યારે પર્યાવરણનું ઘોર ખોદતી  આવી વાપીની ચોર કેમિકલ કંપનીઓ સામે કાયદેસરની કાર્યવાહી કરવામાં આવે તે ખૂબ જરૂરી છે.ત્યારે આ વખતે વાપી પોલીસે કેમિકલનું વહન  કરતા ટ્રક ચાલક અને ક્લીનર સહીત એકની ધરપકડ કરી છે

ગુજરાત પ્રદુષણ નિયંત્રણ વિભાગ મોટા પાયે નજર રાખી રહ્યું છે વાપી અને અંકલેશ્વરના ઔધોગિક એકમો પર. કારણકે,રાજ્યમાં કેમિકલ વેસ્ટથી માંડીને પાણી પ્રદૂષિત કરતા એકમો સામે પગલાં ભરાય. ગુજરાતમાં વાપી એ દેશના વધુ પ્રદૂષિત શહેરોમાં સ્થાન પામે છે.રાજ્ય સરકાર અને પ્રદુષણ નિયંત્રણ વિભાગ પર આવા એકમો પર નજર રાખી રહ્યું છે.ત્યારે, વલસાડ જિલ્લામાં ગેરકાયદે કેમિકલ નિકાલનું કૌભાંડ સામે આવતા,હવે સંબંધિત વિભાગ પણ સક્રિય થયો છે. આવનારા દિવસોમાં,દક્ષિણ ગુજરાતના કેટલાક વિસ્તારોના ઔધોગિક એકમોમાં મોટા પાયે તપાસ થાય તો નવાઈ નહિ રહે.