પ્રયોગ / IIT કાનપુરના વિજ્ઞાનીઓનું અદભુત સંશોધન, હાથને લકવો મારી ગયેલ દર્દીઓ માટે આશીર્વાદ સમાન

ટેક્નોલોજી (technology) ના જમાનામાં દુનિયાના અનેક દેશોમાં વિવિધ રીતે ઉપયોગી ડિવાઇસની શોધ થાય છે. જો કે દુનિયાનું ધ્યાન ખેંચે તેવા સંશોધનો ભારતમાં બહુ ઓછા થાય છે. તેનું મુખ્ય કારણ એ છે કે આપણા ત્યાં બહુ ઓછી સંસ્થાઓમાં સંશોદન માટે જરુરી છે તેવી વિશ્વસ્તરની લેબોરેટરી અને અન્ય સુવિધા છે ત્યારે કાનપુરની આઇઆઇટીના વિજ્ઞાનીઓએ દુનિયાનો એવો પ્રથમ રોબોટિક હેન્ડ (Robotic Hand) (હાથ) બનાવ્યો છે જે લકવાના કારણે હાથ કામ કરતા બંધ થઇ ગયા છે. તેવા દર્દીઓ માટે આશીર્વાદ સમાન પુરવાર થઇ શકે છે.

આ રોબોટિક ડિવાઇસ ટુ ફિંગર હેન્ડ છે તેને બનાવનારા પ્રો આશિષ દત્તા અને પ્રો કે એસ વેન્કટેશ કહે છે કે આ રોબોટિક હેન્ડને એકસોસ્કેલેટન કહે છે. સ્ટ્રોકથી જેમના હાથ કામ ન કરતા હોય તેવા દર્દી તેને પહેરી શકે છે. જે બ્રેઇન સિગ્નલ એટેલે કે મગજના સંદ્શાને માથા પર લગાવેલા બ્રેઇન કમ્પ્યુટર ઇન્ટરફેસની મદદથી પ્રોસેસ કરે છે. જેની મદદથી દર્દી અંગુઠો,પહેલી આંગળી,વચ્ચેની આંગળીને ખોલબંધ કરી શકે છે.

એકસોસ્કેલેટન માઇક્રોકન્ટ્રોલર અને બેટરીથી ઓપરેટ થાય છે. આ ડિવાઇસ પ્રમાણમાં સસ્તું છે અને દર્દીને લગભગ રુ 15000ની આસપાસ પડશે એકસોસ્કેલેટનમાં ખાસ સેન્સર્સ છે કે જે દર્દીના આંગળીના ટેરવા દ્વારા અપાતા પ્રેશરને કન્ટ્રોલ કરે છે. રોબોટિક હેન્ડ ડેવલપ કરવા માટે આ બંને સંશોધકોએ ઇંગ્લેન્ડની યુનિવર્સિટી ઓફ અલસ્ટરની મદદ લીધી છે.

કેન્દ્ર સરકારની મિનિસ્ટ્રી ઓફ હ્યુમન રિસોર્સીસ દ્વારા સપોર્ટ એન્ડ રિહેબિલિટેશન પ્રોગ્રામ માટે 55 લાખ ફાળવાયા છે જેને બ્રિટિશ કાઉન્સિલનો સહયોગ મળ્યો છે આઇઆઇટી કાનપુરનું આ નવું સંશોધન અનેક જાણીતા સાયન્સ જર્નલમાં પબ્લિશ થયું છે. જેમાં જર્નલ ઓફ ન્યુરોસાયન્સ મેથડ્સ, બાયોમેડિકલ એન્ડ હેલ્થ ઇન્ફોર્મેટિકસ, હેપ્ટીકસ એન્ડ એન્જિનિયરીંગ વગેરેનો સમાવેશ થાય છે.