ગુજરાતની આ દવા કંપની અને આઈઆઈટી ગુવાહાટી મળીને કોરોનાની રસી વિક્સાવી રહ્યા છે. જેમાં તેમને સફળતા મળવાની શક્યતા છે. આઈઆઈટી ગુવાહાટી કોરોના વાયરસ સામે લડવા માટે એક રિકૉમ્બિનેન્ટ રસી વિકસાવશે. ગુજરાત ફાર્માસ્યુટિકલ કંપની હેસ્ટર બાયોસાયન્સ આમાં મદદ કરશે. આઈઆઈટી ગુવાહાટી અને કંપની વચ્ચે રસી બનાવવાનો કરાર થયો છે.
આઈઆઈટી ગુવાહાટી અને ગુજરાતની કંપની મળીને વિકસાવશે રસી
આ કંપની આઈઆઈટીને રસી વિકસાવાથી માંડી બજારમાં મુકવા સુધી મદદ કરશે
બન્ને મળીને કોરોના સામે વિકસાવી રહ્યા છે રસી
આઈઆઈટી ગુવાહાટીના સંશોધન ટીમના વડા અને બાયોટેકનોલોજી વિભાગના સહયોગી પ્રોફેસર સચિન કુમારના જણાવ્યા અનુસાર, હજી પરિક્ષણના ઘણા પડાવ આવવાના બાકી છે. કોવિડ -19 થી બચાવામાં રસી કેટલી અસરકારક રહેશે તે અંગે ટિપ્પણી કરવી ખૂબ જ વહેલી ગણાશે. અમને આશા છે કે સારો પરિણામ આવશે. હેસ્ટર બાયોસાયન્સના મેનેજિંગ ડિરેક્ટર અને સીઈઓ રાજીવ ગાંધીએ કહ્યું કે, હેસ્ટર રસીને વિકસાવી તેને બજારમાં મુકવા સુધીની તમામ પ્રક્રિયામાં મદદ કરશે.
નિષ્ણાત ટીમ કહે છે કે આ રસી રિકોમ્બિનન્ટ એવિયન પેરામિક્સોવાયરસ પર આધારિત હશે, જેનો ઉપયોગ ચેપી રોગોને રોકવા માટે થાય છે. તેના ઘણા સીરમ મુખ્યત્વે ચિકન અને અન્ય પ્રાણીઓમાં ફ્લૂના ફેલાવાને રોકવા માટે વપરાય છે.