રણવીર સિંહને પદ્માવત માટે બેસ્ટ એક્ટરનો એવોર્ડ મળ્યો. ત્યારે એક વીડિયોમાં દીપિકા પાદુકોણ ભાવુક નજરે આવી રહી હતી. આ એ ક્ષણ હતી જ્યારે બેસ્ટ એક્ટના એવોર્ડ માટે રણવીર સિંહના નામની જાહેરાત થઇ.
IIFA એવોર્ડની સાંજ રણવીર સિંહ અને દીપિકા પાદુકોણના નામે રહી. મુંબઇમાં થયેલી આ ઇવેન્ટમાં વરસાદના કારણે ખૂબ જ ઓછા સ્ટાર્સ પહોંચ્યા હતા. રણવીર સિંહને પદ્માવત માટે બેસ્ટ એક્ટરનો એવોર્ડ મળ્યો. તો બીજી બાજુ આલિયા ભટ્ટે ફિલ્મ રાઝી માટે બેસ્ટ એક્ટ્રેસનો એવોર્ડ જીત્યો. IIFA એવોર્ડના કેટલાક ઇનસાઇડ વીડિયો સોશ્યલ મીડિયા પર વાયરલ થઇ રહ્યા છે.
એક વીડિયોમાં દીપિકા પાદુકોણ ભાવુક નજરે આવી રહી હતી. આ એ ક્ષણ હતી જ્યારે બેસ્ટ એક્ટના એવોર્ડ માટે રણવીર સિંહના નામની જાહેરાત થઇ. રણવીરે સૌથી પહેલા દીપિકાને કિસ કરી. દીપિકાની આંખોમાં આંસુ હતા. દીપિકાની બાજુમાં આલિયા બેઠી હતી. આલિયાએ પણ રણવીરને ગળે મળીને શુભેચ્છા પાઠવી.
રણવીર અને દીપિકાનો આ પ્રેમભર્યો વીડિયો સોશ્યલ મીડિયા પર વાયરલ થઇ રહ્યો છે. આ વીડિયોને ફેન્સ ખૂબ પસંદ કરી રહ્યા છે. એવોર્ડ લીધા બાદ રણવીરે પોતાના માતા પિતાનો આભાર માન્યો. સાથે જ બોલ્યો 'મારી પત્ની મારી બાજુમાં બેઠી છે. એ મારી પર ખૂબ ગર્વ મહેસૂસ કરી રહી છે. એનાથી આગળ હું શું કહું.'
જણાવી દઇએ કે રણવીર હંમેશાની જેમ આ ફંક્શનમાં પોતાના અતરંગી અંદાજમા જોવા મળ્યો હતો. રણવીરે બ્લેક કોટ પેન્ટ પહેર્યું હતું, જ્યારે દીપિકાએ પર્પલ કલરના ફેધર ડ્રેસમાં સુંદર જોવા મળી રહી હતી. એક ફોટામાં રણવીર દીપિકાની પાછળ ચાલી રહ્યો હતો અને એનો ડ્રેસ સંભાળી રહ્યો હતો. દીપિકા રણવીરના ફોટા જોઇને ફેન્સ એમના વખાણ કરી રહ્યું છે.
આઇફામાં દીપિકા પાદુકોણને ફિલ્મ 'ચેન્નઇ એક્સપ્રેસ' માટે સ્પેશ્યલ બેસ્ટ એક્ટ્રેસ એવોર્ડ મળ્યો. આ એવોર્ડ્સમાં ઇશાન ખટ્ટરને ફિલ્મ ધડક માટે બેસ્ટ ડેબ્યૂ મેલ અને સારા અલી ખાનને કેદારનાથ માટે બેસ્ટ ડેબ્ય ફીમેલનો એવોર્ડ આપવામાં આવ્યો છે.