અબુ ધાબીમાં બે દિવસની આઈફા 2022નું આયોજન ગ્રાન્ડ લેવલ પર કરવામાં આવ્યું. આ પ્રસંગે બોલીવુડ ઈન્ડસ્ટ્રી સાથે જોડાયેલી અનેક સેલિબ્રિટીઓ સ્ટાઈલ અને બોલ્ડ અંદાજમાં જોવા મળી. આ ઈવેન્ટ સાથે જોડાયેલી અનેક તસ્વીરો અને વીડિયો સોશિયલ મીડિયામાં વાયરલ થયા છે.
અબુ ધાબીમાં આઈફા 2022નું આયોજન કરાયું
હની સિંહે સ્ટેજ પરથી નીચે ઉતરી એઆર રહેમાનના આશીર્વાદ લીધા
રહેમાને હની સિંહને ઉભા કરવાનો પ્રયાસ કર્યો
જ્યારે હની સિંહ નજીક આવ્યાં ત્યારે ચોંકી ગયા રહેમાન
જેમાંથી એક વીડિયોએ બધાનુ દિલ જીતી લીધુ છે. આ છે વીડિયો રેપર હની સિંહનુ. હની સિંહ આઈફા 2022માં પરફોર્મ કરી રહ્યાં હતા અને અચાનક સ્ટેજ પરથી નીચે ઉતર્યા અને તેઓ ભરી મહેફિલમાં સંગીતકાર એઆર રહેમાનને પગે પડ્યો. તેમનો આ વીડિયો તેમના પ્રશંસકોને ખૂબ પસંદ આવ્યો છે અને બધા તેના વખાણ કરી રહ્યાં છે. આઈફા 2022ની પ્રશંસકો લાંબા સમયથી રાહ જોઇ રહ્યાં હતા. આ ઈવેન્ટ થોડા દિવસ પહેલા થવાની હતી. પરંતુ કોરોના લોકડાઉન દરમ્યાન તેને લંબાવી દેવામાં આવ્યું હતુ. ઉલ્લેખનીય છે કે આ ઈવેન્ટનું આયોજન 3-4 જૂને અબુ ધાબીમાં કરવામાં આવ્યું. ઈવેન્ટ સાથે જોડાયેલી તસ્વીરો અને વીડિયો સોશિયલ મીડિયામાં વાયરલ થયા છે. સામે આવેલા એક વીડિયોમાં જોઇ શકાય છે કે રેપર હની સિંહ પર્ફોમન્સ આપી રહ્યાં છે અને અચાનક સ્ટેજ પરથી નીચે આવે છે અને પહેલી હરોળમાં બેઠા એઆર રહેમાનની સામે ઘુંટણના બળે બેસી જાય છે અને પછી તેમને પગે લાગે છે.
હની સિંહે અચાનક આવુ કરતા રહેમાન ચોંકી જાય છે અને તેમને ઉભા કરવાની કોશિશ કરે છે. જો કે, હની સિંહ તેની સાથે આશીર્વાદ લીધા બાદ ઉભા થાય છે અને ફરી વખત તેમનુ પર્ફોમન્સ શરૂ કરે છે. આ વીડિયો પર યુઝર્સ ખૂબ કોમેન્ટ કરી રહ્યાં છે. એક વીડિયો પર કોમેન્ટ કરતા યુઝર્સે લખ્યું, આ છે પોતાના ગુરૂ પાસેથી આશીર્વાદ લેવાની ભારતીય પરંપરા. બીજાએ લખ્યું, કિંગ પાછા આવી ગયા છે. તો અન્ય એક યુઝર્સે લખ્યું, યોયો હની સિંહ માટે રિસ્પેક્ટ વધારે વધી ગઇ છે. અન્ય એક યુઝર્સે લખ્યું, એક જ ફ્રેમમાં બે લીજેન્ડ. એક યુઝર્સે લખ્યું, સંગીતના પિતા છે એઆર રહેમાન. આ સિવાય મોટાભાગના યુઝર્સે દિલ અને આગ લગાવનારી ઈમોજી શેર કરી છે.