પોલેન્ડની ઇગા સ્વિયાતેકે યૂએસ ઓપનમાં વુમન્સ સિંગલ્સનો ખિતાબ પોતાને નામ કર્યો છે. જાણો વિગતવાર
પોલેન્ડની ઇગાએ યૂએસ ઓપનમાં વુમન્સ સિંગલ્સનો ખિતાબ પોતાને નામ કર્યો
ત્રીજી વાર મેળવી જીત
પહેલા બે વાર ફ્રેંચ ઓપન ખિતાબ જીત્યા હતા
પોલેન્ડની ઇગાએ યૂએસ ઓપનમાં વુમન્સ સિંગલ્સનો ખિતાબ પોતાને નામ કર્યો
પોલેન્ડની નંબર 1 ઇગા સ્વિયાતેકે શનિવારે મોટી ઉપલબ્ધી પ્રાપ્ત કરી છે. તેમણે યૂએસ ઓપનમાં વુમન્સ સિંગલ્સનો ખિતાબ પોતાને નામ કર્યો છે. આ તેમની કરિયરનો ટેનીસ ગ્રાંડ સ્લેમ ખિતાબ રહ્યો છે. આ પહેલા તેમણે બે વાર ફ્રેંચ ઓપન ખિતાબ જીત્યા છે.
21 વર્ષની ઇગા સ્વિયાતેકે ફાઈનલ મુકાબલામાં 28 વર્ષની ટયૂનિસીયાઈ સ્ટાર ઓંસ જબેઉરને સીધા સેટમાં 6-2, 7-6થી માત આપી છે. આ સાથે જ એકવાર ફરિ જબેઉરનું સિંગલ્સ ગ્રાંડ સ્લેમ ખિતાબ જીતવાનું સપનું તૂટી ગયું.
જણાવી દઈએ કે દુનિયાની નંબર 5 ખેલાડી ઓંસ જબેઉર અત્યાર સુધીમાં પોતાની કરિયરમાં એક પણ સિંગલ્સમાં ગ્રાંડ સ્લેમ ખિતાબ જીત્યો નથી. મોટી વાત તો એ પણ છે કે તે 8 વર્ષની પોતાની કરિયરમાં પહેલી વાર ગ્રાંડ સ્લેમ ટૂર્નામેન્ટમાં સિંગલ્સનાં ફાઈનલમાં પહોંચી હતી. આ વખતે તેમને ખિતાબની પૂરી આશા હતી. પરંતુ તેમનું આ સપનું તૂટી ગયું.
જબેઉરનું પ્રદર્શન ગત બે વર્ષમાં ઘણું સુધર્યું છે. આ દરમિયાન તેમણે કરિયરમાં બે વાર ગ્રાંડ સ્લેમ ટૂર્નામેન્ટના ક્વાર્ટર ફાઈનલમાં જગ્યા બનાવી હતી. આ વર્ષે ત્રીજી વાર તે ફાઈનલમાં પહોંચી હતી. પણ ઇગા સ્વિયાતેકે તેને માત આપી.
પહેલા બે વાર ફ્રેંચ ઓપન ખિતાબ જીત્યા હતા
સૌથી મોટી વાત તો એ છે કે પોલેન્ડની ઇગા સ્વિયાતેકે પોતાની 4 વર્ષની કરિયરમાં આ ત્રીજી વાર ગ્રાંડ સ્લેમ ફાઈનલમાં જગ્યા બનાવી હતી. ત્રણેય વાર તેને જીત પ્રાપ્ત થઇ છે. એટલે કે ફાઈનલમાં પહોંચતા જ ઇગા વધારે પ્રભાવશાળી થઇ જાય છે એમ કહી શકાય.
આ પહેલા ઇગાએ બે વાર ફ્રેંચ ઓપનની ફાઈનલ રમી હતી. આ ખિતાબ 2022, 2020માં તેણે જીત્યો હતો. આ વખતે પણ ઇગાએ ફાઈનલમાં જીત મેળવી અને કરિયરનો ત્રીજો ગ્રાંડ સ્લેમ ખિતાબ જીત્યો. ઇગા આ જ વર્ષે ઓસ્ટ્રેલીયન ઓપનમાં સેમીફાઈનલ સુધી પહોંચી હતી.