દેશમાં ઠેર ઠેર બની રહેલી રેપ, હત્યા અને છેડતીના બનાવોને લીધે છોકરીઓ ડરી જાય તે સ્વાભાવિક છે. માતા પિતાના મનમાં પણ થોડોક ડર રહે છે, ક્યારેક એવું પણ બનતુ હશે કે પેરેન્ટ્સ તેમની લાડલી દિકરીને એકલા બહાર જતા રોકે. છોકરીઓ એકલી ફરવા જાય ત્યારે આવુ થવું સ્વાભાવિક છે. છોકરીઓ ખુદ પણ પોતાની સેફ્ટીને લઇને ચિંતિત બની જતી હશે. ક્યારેક કોઇને જોબ માટે પણ વારંવાર બહાર જવાનુ થતુ હોય છે.
લોકેશન શેરિંગ એપ્સની મદદ લો અને સફર દરમિયાન તમારુ લાઇવ લોકેશન તમારી સૌથી નજીકની વ્યક્તિ સાથે શેર કરો
ખુદને માનસિક રીતે તૈયાર રાખો
જે પણ વસ્તુ હાજર હોય તેનાથી દુશ્મનનો સામનો કરો
તો કેટલીક યુવતીઓને ફરવાનો શોખ હોય છે. જો તમને પણ હરવા-ફરવાનો શોખ હોય અથવા તમે તમારા કામ માટે બહાર જઇ રહ્યા હો તો તમારે માત્ર થોડી સાવધાની રાખવાની જરુર છે. જો તમે તમારી ગર્લ ગેંગ સાથે ક્યાંય જવા ઇચ્છતા હો કે પછી તમે એકલા ફરવા જવા ઇચ્છતા હો તો ડરીને પ્લાન કેન્સલ કરવાની જરુર નથી. બસ સુરક્ષા માટે કેટલીક બાબતોનુ ધ્યાન રાખો.
લોકેશન શેર કરો
તમારો ફોન તમને સુરક્ષિત રાખવામાં મદદ કરી શકે છે. લોકેશન શેરિંગ એપ્સની મદદ લો અને સફર દરમિયાન તમારુ લાઇવ લોકેશન તમારી સૌથી નજીકની વ્યક્તિ સાથે શેર કરો, રસ્તામાં ગુગલ મેપનો ઉપયોગ કરીને યોગ્ય રસ્તો પણ ચેક કરી શકો છો.
ગાડીની ડિટેલ્સ શેર કરો
તમે જે પણ ગાડી કે બસમાં સફર કરી રહ્યા હો તેનો નંબર અને અન્ય ડિટેલ્સ તમારા પરિવારજનો સાથે શેર કરો અને પછી સફરની મજા લો. આ નાનકડુ પગલુ તમને મોટી મુસીબતમાંથી બચાવી શકે છે.
હોટેલનું નામ-સરનામુ જણાવો
ટ્રિપ દરમિયાન જો તમે ક્યાંય સ્ટે કરી રહ્યા હો તો તેની જાણકારી તમારા પરિવારજનોને પણ આપો. કોઇ પણ હોટલ બુક કરતા પહેલા ઓનલાઇન ત્યાંના લોકોના રિવ્યુ જાણી લો. કોઇ પણ જગ્યાએ ચેક ઇન, ચેક આઉટ કે તમારા લાઇવ લોકેશનને સોશિયલ મિડિયા પર શેર ન કરો
સાથે રાખો જરુરી નંબર
ફરવા જતા પહેલા તમે તે જગ્યા વિશે ઇન્ટરનેટ પર ખુબ વાંચતા જ હશો. ત્યાં ફરવાની જગ્યાઓ, ભાડા વિશે તમે ઇન્ટરનેટ પર વાંચો છો. આ સાથે તમે ત્યાંના નજીકના પોલીસ સ્ટેશનનો નંબર અને હોસ્પિટલનો નંબર પણ મેળવી લો. દરેક જિલ્લાના એસપીનો નંબર ઓનલાઇન ઉપલબ્ધ છે. મુશ્કેલીના સમય માટે તે નંબર તમારા ફોનમાં સેવ કરી લો. કોઇ ખતરો લાગે તો ઇમરજન્સી નંબર 112 લગાવો પેપર સ્પ્રે સાથે રાખો- ગભરાવ નહી
ફરવા જતી વખતે તમે ઘણી વાર એવી જગ્યાઓ પર પહોંચી જાવ છો જ્યાં નેટવર્ક હોતુ નથી. આવા સંજોગોમાં તમારે સ્થિતિ જાતે જ સંભાળવી પડશે. કોઇ પણ ખતરા સામે લડવા માટે તમારી સાથે ચાકુ, બ્લેડ અને પેપર સ્પ્રે રાખો. તમામ સાવધાનીઓ છતા ખરાબ પરિસ્થિતિનો સામનો કરવાનો આવે તો ગભરાશો નહીં. ખુદને માનસિક રીતે તૈયાર રાખો. ટ્રિપ દરમિયાન કોઇ પણ ઘટના ઘટે તો જાતે આગળનો રસ્તો શોધો. ક્યારેક ગભરામણ કે ડરમાં મગજ કામ કરતુ બંધ થઇ જાય છે. જે પણ વસ્તુ હાજર હોય તેનાથી દુશ્મનનો સામનો કરો. તમારા નખ અને દાંત તમારા હથિયાર છે તેનું ધ્યાન રાખો.