માર્કેટમાં આજે સોનું સસ્તું જોવા મળ્યું હતું, વૈશ્વિક બજારમાં પણ સોનાના ભાવમાં ઘટાડો જોવા મળી રહ્યો છે. તો સામે ચાંદીનાં ભાવ પણ ઘટ્યા હતા.
સોના ચાંદીના ભાવમાં આજે જોવા મળ્યો ઘટાડો
સોનાના ભાવ આજે 50,989 રૂપિયા
ચાંદીના ભાવ આજે 61,339 રૂપિયા
આજે સોનું અને ચાંદી નીચા ભાવે ટ્રેડ થયું
આજે એટલે કે 26 મેના રોજ સોના-ચાંદીના ભાવમાં ઘટાડો જોવા મળ્યો છે. ઇન્ડિયા બુલિયન એન્ડ જ્વેલર્સ એસોસિયેશન (IBJA)ની વેબસાઇટ અનુસાર, સોની બઝારમાં સોનું 51,000ની નીચે આવી ગયું છે. આજે સોનું 183 રૂપિયા ઘટીને 50,989 રૂપિયા પર આવી ગયું છે. ટ્રેડ બજારની વાત કરીએ તો, MCX પર બપોરે 1 વાગ્યે સોનું 79 રૂપિયાના ઘટાડા સાથે 50,740 રૂપિયા પર ટ્રેડ કરી રહ્યું હતું .
સોનાના ભાવ :-
કેરેટ
24
23
22
18
કિંમત (રૂ./10 ગ્રામ)
50,989
50,785
46,706
38,242
ચાંદીનાં ભાવ
જો ચાંદીની વાત કરીએ તો માર્કેટમાં તે 109 રૂપિયા ઘટીને 61,339 રૂપિયા પ્રતિ કિલો પર આવી ગઈ છે. MCX પર બપોરે 1 વાગ્યે તે 169 રૂપિયાના ઘટાડા સાથે 61,365 રૂપિયા પર કારોબાર કરી રહી છે.
આંતરરાષ્ટ્રીય બજારમાં પણ સોનાના ભાવમાં ઘટાડો
આંતરરાષ્ટ્રીય બજારની વાત કરીએ તો સોનું 1,848.86 અમેરિકન ડોલર પ્રતિ ઔંસ પર આવી ગયું છે. ચાંદીની વાત કરીએ તો તે 21.84 ડોલર પ્રતિ ઔંસ પર કારોબાર કરી રહી છે.
જાણો મિસ્ડ કોલ આપીને સોનાનો ભાવ
તમે સરળતાથી ઘરે બેઠા સોના-ચાંદીના ભાવ જાણી શકો છો. આ માટે તમારે માત્ર 8955664433 નંબર પર મિસ્ડ કોલ આપવો પડશે અને મેસેજ તમારા ફોનમાં આવશે. આમાં તમે લેટેસ્ટ ભાવ ચેક કરી શકો છો.
સોનાના ભાવ કેમ ઘટી રહ્યા છે?
નિષ્ણાતોના જણાવ્યા પ્રમાણે અમેરિકામાં રોકાણકારો અને ટ્રેડર્સ ફેડરલ ઓપન માર્કેટ કમિટીની બેઠકની વિગતોની રાહ જોઈ રહ્યા છે. આ સ્થિતિમાં ડૉલરમાં મજબૂતીના કારણે સોનાની કિંમતોમાં ઘટાડો જોવા મળ્યો. જો કે વધતી મોંઘવારીને જોતા આગામી દિવસોમાં સોનામાં ફરી તેજી જોવા મળી શકે છે.