નેશનલ પાર્ક / તમારે જંગલી જાનવરોની જંગલમાં રાત વિતાવવી છે તો અહીં પહોંચી જાઓ, અનુભવ ક્યારેય નહીં ભુલો

• કેરળના નેશનલ પાર્કમાં જંગલી જાનવરોની વચ્ચે રાત વિતાવો
• પેરિયાર નેશનલ પાર્કમાં નાઇટ ટ્રેકિંગની પણ પરમિશન
• નેચર લવર હો તો જંગલમા રાત વિતાવવાના રોમાંચને ફીલ કરો

આ નેશનલ પાર્ક વાઘ સંરક્ષિત ક્ષેત્ર છે. 1998થી તેને હાથી સંરક્ષણ પરિયોજના અંતર્ગત પણ લવાયુ છે. આ પાર્કમાં તમને કેટલાક દુર્લભ જાનવર જોવા મળશે. આ કારણે તમારી યાત્રા યાદગાર બની શકે છે. હાથીઓનું ઝુંડ તમને અહીં ખુબ જ સરળતાથી જોવા મળી જશે, પરંતુ વાઘને જોવા માટે તમારે ધીરજ રાખવી પડશે.

હાથી અને વાઘ ઉપરાંત અહીં તમને ભસે તેવા હરણ, માઉસ ડીયર, જંગલી સુઅર, ભારતીય જંગલી શ્વાન, ઇન્ડિયન બિસન, સાબર પણ જોવા મળશે. આ ઉપરાંત આ રિઝર્વમાં ભારે સંખ્યામાં વિવિધ પ્રકારની વનસ્પતિ અને જીવ પણ હાજર છે. પેરિયાર નેશનલ પાર્કમાં સહેલાણીઓને લગભગ ત્રણ કલાક સુધી નાઇટ ટ્રેકિંગની પણ પરમિશન અપાઇ છે. સહેલાણીઓ સાંજે 7 વાગ્યાથી લઇને સવારે 4 વાગ્યાની વચ્ચે ગમે ત્યારે ટ્રેકિંગ શરુ કરી શકે છે.

જો તમે ટ્રેકિંગ માટે જઇ રહ્યા હો તો તમારે માનસિક રીતે ખુબ મજબુત રહેવું પડશે. તમારે કલાકો સુધી જંગલમાં રહેવું પડશે અને વાઘ માટે રિઝર્વ ક્ષેત્રોમાં જવું પડશે. ટ્રેકિંગ દરમિયાન તમારી સાથે પ્રશિક્ષિત આદિવાસી ગાર્ડ હાજર રહેશે. પેરિયાર નેશનલ પાર્કની સૌથી નજીક કોચીન ઇન્ટરનેશનલ એરપોર્ટ છે. ટ્રેન આવે ત્યારે તમારે આલુવા રેલ્વે સ્ટેશન પર ઉતરવું પડશે.

તમે બસ કે ટેક્સી દ્વારા પણ અહીં પહોંચી શકો છો. અહીં રહેવા માટે તમામ પ્રકારની હોટલ અને લોજ ઉપલબ્ધ છે. વિશાળ ક્ષેત્રમાં ફેલાયેલા પેરિયાર નેશનલ ઉદ્યાનમાં જાનવરોને જોવા ઉપરાંત સવારે તમે નૌકા સવારી, બામ્બુ રાફ્ટિંગ, ટાઇગર ટ્રેલ્સ, બોર્ડર ટ્રેકિંગ અને બળદગાડીની સવારી પણ કરી શકો છો.