ઘણા સમુદાયો હાલ પણ રૂઢીચુસ્ત માન્યતા સાથે જીવન વિતાવી રહ્યાં છે. અને પોતે બનાવેલા બંધારણમાં કોઈ ફેરફાર કરતા નથી. ત્યારે હાલ મહાનગર શહેરમાં આવી જ એક ઘટના બની છે જેમાં યુવકે બીજા સમાજની યુવતી સાથે લગ્ન કર્યા હતા. જેમના કારણે ભારે દંગલ સર્જાઈ હતી.
બીજા સમાજની યુવતી સાથે લગ્ન કરતાં સમાજે બહિષ્કાર કર્યો
ભૂપેશે આ વાતની જાણ સ્થાનિક જિલ્લા અધિકારીને કરી હતી
લગ્ન બાદ ભુપેશનું પરિવાર સમાજની આંખે ચડી ગયું
ભૂપેશે બીજા સમાજની યુવતી સાથે પ્રેમ લગ્ન કર્યા હતા
બીજા સમાજની યુવતી સાથે પ્રેમ લગ્ન કર્યા પછી સમુદાયે તેમને સમાજથી છુટો કર્યો. છોકરાએ શુક્રવારે વહીવટીતંત્રનો આશરો લીધો હતો અને ગામમાં તેમની અને તેના પરિવારને લઈને ગામમાં પંચાયત થશે તે અંગે માહિતી આપી હતી. તેમણે કહ્યું કે સમાજના લોકોએ તેના પરિવારનો બહિષ્કાર કર્યો છે.
પંચાયતની સુચનાથી વહીવટીતંત્ર હચમચી ગયું અને અધિકારી તાત્કાલિક ગામમાં પહોચ્યાં અને સુપ્રીમ કોર્ટના આદેશથી પંચાયત અટકાવી અને ઘણા લોકોની અટકાયત કરી.
મહાનગરમાં રહેવા વાળા પ્રોપટી ડીલર ભૂપેશે પોતાની જ શેરીમાં રહેતી એક યુવતી સાથે લગ્ન કર્યા હતાં. બંને અલગ અલગ સમુદાયના હતા. આ તેમના પ્રેમ લગ્ન હતાં. અને બંનેના પરિવાર આ વાત સાથે સહમત થઈ ગયા હતા. આ લગ્ન બાદ ભુપેશનું પરિવાર સમાજની આંખે ચડી ગયું. તે જ સમયે સમાજના લોકોએ મીટીંગ કરી સમાજમાંથી બહિષ્કાર કરી દીધો.
સમાજે કહ્યું કે ભુપેશની પત્ની આસ્થાને ગૌમૂત્ર અને છાણ ખાવુ પડશે
જાન્યુઆરી 2019માં ભુપેશની બહેનના લગ્ન થયા ત્યારે સમાજે લગ્નમાં આવવા માટે ના પાડી દીધી હતી. ત્યારબાદ પંચાયતમાં સમાજે કહ્યું કે ભુપેશની પત્ની આસ્થાને ગૌમૂત્ર અને છાણ ખાવુ પડશે. એટલું જ નહીં પાંચ લાખ દંડ આપવો પડશે. આ માટે 2 મહિનાનો સમય આપ્યો હતો. જો કે ભૂપેશનો પરિવાર આ વાત સાથે સહમત ન હતો. જ્યારે છેલ્લો નિર્ણય લેવા માટે તેમણે શુક્રવારે ગ્વાલ ટોલીમાં મોટી પંચાયત બોલાવી હતી. આ પહેલા ભૂપેશે આ વાતની જાણ સ્થાનિક જિલ્લા અધિકારીને કરી.
સુપ્રીમ કોર્ટે પંચાયત અટકાવવાનો આદેશ આપ્યો
ડીએમ શિવસહાય અવસ્થીના આદેશ પ્રમાણે મેજેસ્ટ્રીટ સલિલ કુમાર પટેલ અને સીઓ સીટી સંગ્રામ સિંહની સાથે પંચાયતમાં ટીમ પહોંચી અને ચેતવણી આપી કે સુપ્રીમ કોર્ટના આદેશ અનુસાર આ પંચાયત કોઈની પાસે આવી રીતે દંડ લઈ ન શકે. અને આ વાતનું ઉલ્લઘન કરવામાં આવશે તો કાયદાકીય કાર્યવાહી કરવામાં આવશે. જયારે પંચાયતના ઘણા લોકોને શાંતિ ભંગ કરવાના કારણે તેમની અટકાયત કરવામાં આવી હતી.