સુરક્ષિત / માલામાલ સ્કીમ: મોદી સરકારની આ યોજનામાં પૈસાનું કરો રોકાણ અને મેળવો ડબલ રિટર્ન

• શું તમે ડબલ રિટર્ન મેળવવા માંગો છો?
• પોસ્ટ ઓફિસની આ યોજનામાં રોકાણ કરશો તો રૂપિયા રહેશે સુરક્ષિત
• આ યોજનામાં તમે રૂપિયા લાંબા સમય સુધી બચાવી શકશો

કિસાન વિકાસ પત્ર યોજના

કિસાન વિકાસ પત્ર એકસાથે રકમની યોજના છે. જેને ભારત સરકાર ચલાવે છે. આ મુખ્ય રીતે ખેડૂતો અને ઓછી ઉંમરના લોકો માટે છે. કારણકે તેઓ પોતાના રૂપિયાને લાંબા સમય સુધી બચાવી શકે. દેશભરની પોસ્ટ ઓફિસો અને મોટી બેન્કો દ્વારા તમે આ યોજનામાં રોકાણ કરી શકો છો. જેમાં ઓછામાં ઓછા 1000 રૂપિયાથી રોકાણ શરૂ કરી શકો છો. જ્યારે મહત્તમ કોઈ મર્યાદા નથી. જો યોજનામાં 50,000 રૂપિયાનું રોકાણ કરો છો તો પાકતી મુદ્દત વખતે એક લાખ રૂપિયા મળશે.

અઢી વર્ષ બાદ પણ કરી શકો છો ઉપાડ

કિસાન વિકાસ પત્ર એક સર્ટીફિકિટ તરીકે મળે છે. જેમાં 1000, 2000, 5000, 10,000 અને 50,000 રૂપિયા સુધીના સર્ટીફિકેટ આપવામાં આવે છે. જેને જાહેર કરતી વખતે વ્યાજ દર નક્કી કરવામાં આવે છે. જોકે, તેમાં સરકારી નિયમો મુજબ ફેરફાર થઇ શકે છે.  આમ તો કેવીપીમાં મેચ્યોરિટી મર્યાદા 124 મહિના હોય છે. પરંતુ જરૂરિયાત પડવાથી તમે 2.5 વર્ષ બાદ પણ ઉપાડ કરી શકો છો.

આ પુરાવાની પડશે જરૂર

કેવીપી નિયમ મુજબ, તેને એક સગીર તરફથી કોઈ પુખ્ત વયના અને નબળા મનની વ્યક્તિવાળા તરફથી તેના માતા-પિતા ખરીદી શકે છે. કેવીપી ખાતુ ખોલવા માટે આધાર કાર્ડ, પાન કાર્ડ, ઈલેકશન કાર્ડ, ડ્રાઈવિંગ લાયસન્સ અને પાસપોર્ટ જેવા ઓળખ પત્ર જરૂરી છે.