OMG / 730 કરોડ રૂપિયા કમાવવા હોય તો ટેસ્લાના એલન મસ્ક માટે કરી બતાવવું પડશે આ કામ

• એલન મસ્કે કરી જાહેરાત 
• ટેક્નોલોજી વિકસાવનારને મળશે 730 કરોડ રૂપિયા 
• ટેસ્લાના માલિકે કરી ટ્વિટર પર જાહેરાત 

Am donating $100M towards a prize for best carbon capture technology

— Elon Musk (@elonmusk) January 21, 2021

ટેક્નોલોજી બનાવનારને આપશે 730 રકરોડ રૂપિયા 
SpaceX અને ટેસ્લાના સીઇઓ એલન મસ્કે ટ્વિટ કરીને કહ્યું કે કાર્બન-ડાઇ-ઓક્સાઇડ ઉત્સર્જનને કેપ્ચર કરનારી સૌથી સારી ટેક્નોલોજી બનાવનાર વ્યક્તિને 100 મિલીયન ડૉલર એટલે કે 730.2 કરોડ રૂપિયાનું ઇનામ આપશે. આ વિશેની જાણકારી તે આવતા અઠવાડિયે આપશે. 

પર્યાવરણને ચોખ્ખુ બનાવવા માંગે છે મસ્ક 
એલન મસ્ક પર્યાવરણમાં વધી રહેલા પોલ્યુશનને લઇને ચિંતામાં છે. તેના માટે તે સતત કામ કરી રહ્યાં છે. તે ઇચ્છે છે કે એક એવી ટેક્નોલોજી તૈયાર કરવામાં આવે, જે હવામાં રહેલા કાર્બન ડાયોક્સાઇડને ઓછુ કરી શકે. 

એલન મસ્ક બીજા નંબરે 

સ્પેસ -એક્સના સંસ્થાપક અને ટેસ્લાના સીઈઓ એલોન મસ્ક (Elon Musk)હવે દુનિયાના બીજા નંબરના સૌથી અમીર વ્યક્તિ છે. પહેલા સ્થાન પર ફરીથી એમેઝોનના ફાઉન્ડર જેફ બોજોસ કાબિજ થઈ ગયા છે. ફોબર્સ મેગેજીનના અનુસાર સોમવારે ટેસ્લાના શેરમાં લગભગ 8 ટકાનો ઘટાડો આવ્યો છે. એક દિવસમાં તેમના એસેટમાં લગભગ 14 અરબ અમેરિકન ડોલરનો ઘટાડો આવવાથી તે બીજા સ્થાન પર સરક્યા છે. ઉલ્લેખનીય છે કે એલોન મસ્કને દુનિયાના સૌથી ધનવાન વ્યક્તિનો તાજ એક અઠવાડીયા પહેલા જ મળ્યો હતો.

ટેસ્લાના શેરમાં લગભગ 8 ટકાનો ઘટાડો 

સોમવારે ટેસ્લાના શેરમાં લગભગ 8 ટકાનો ઘટાડો આવ્યો છે. આ કારણે મસ્ક નેટવર્થ ઘટીને 176.2 અરબ અમેરિકન ડોલર રહી ગયુ છે. મસ્કની ઈલેક્ટ્રિક કાર કંપની ટેસ્લાએ આ વર્ષે પોતાની માર્કેટ વેલ્યૂમાં ઘણી વૃદ્ધિ કરી છે. ગત અઠવાડિયે મસ્કની કંપનીના શેરના ભાવમાં ભારે ઉઠાડો જોવા મળ્યો હતો. એ બાદ કુલ સંપત્તિ મામલે તે પહેલા સ્થાને પહોંચી ગયા હતા. તેમની સંપત્તિ 185 બિલિયન ડોલર(1 ખરબ 85 અરબ ડોલર)ને પાર થઈ ગઈ હતી.

જેફ બેજોસ કાબિજ આવ્યા પહેલા નંબર પર

આ જગ્યા મસ્કે ઓનલાઈન શોપિંગ પ્લેટફોર્મ‘એમેજોન’ના સંસ્થાપક જેફ બેજોસને પાછળ છોડી મેળવી હતી. જેફ બેજોસ વર્ષ 2017થી આ સ્થાન પર હતા. એલન મસ્ક હવે બેજોસથી 6 અરબ ડોલર પાછળ છે. જેફ બેજોસના નેટવર્થ હવે 182.1 અરબ ડોલર અને હવે તે ફરી દુનિયાના સૌથી ધનવાન વ્યક્તિ થઈ ગયા છે. સોમવારે જેફ બેજોસની કંપની એમેજોનના શેરમાં પણ 2 ટકા ઘટાડો આવ્યો હતો અને તેમના નેટવર્થમાં 3.6 અરબ ડોલરનો ઘટાડો જોવા મળ્યો હતો.

દુનિયામાં સૌથી ઝડપથી કમાણી કરનાર વ્યક્તિ છે મસ્ક

કોરોના વાયરસના કારણે ઈકોનોમિક સ્લોડાઉન છતાં ગત 12 મહિનાઓમાં મસ્કની નેટવર્થ 150 અરબ ડોલર વધી. તે સંભવતઃ દુનિયામાં સૌથી ઝડપથી કમાણી કરનાર વ્યક્તિ છે. મસ્કે ગત એક વર્ષ દરમિયાન દર કલાકે 1.736 કરોડ ડોલર એટલે કે લગભગ 127 કરોડ રુપિયા કમાયા. આ જ કારણે છે કે દુનિયાની સૌથી મુલ્યવાન ઓટો કંપની ટેસ્લાના શેરોમાં અભૂતપૂર્વ તેજી આવી છે.