70 વર્ષમાં વિકાસ દેશનો કેવી રીતે થાય તો આ દેશ પાસેથી શીખવું જોઈએ

આજથી 71 વર્ષ પહેલા જે દેશનું વિશ્વના નકશામાં નામોનિશાન ન હતું. ત્યારે આ દેશ માત્ર એશિયાનો જ નહી પણ દુનિયાનો સૌથ વિકસિત દેશ માનવામાં આવે છે. જે દેશના આખી દુનિયા ઇઝરાયલના નામથી ઓળખે છે. આ ઇઝરાયલ કેવી રીતે અસ્તિત્વમાં આવ્યું તેનો એક રસપ્રદ ઇતિહાસ છે.  

ફિલ્સિટાઈન નામની આ જગ્યા સદીઓ પહેલા યહુદીઓની હતી. પરંતુ કાળક્રમે યહુદીઓ વિશ્વના જુદા જુદા ભાગમાં ફેલાતા ગયા અને આ વિસ્તારમાં અરબીઓની સંખ્યા વધતી ગઈ અને ધીમે ધીમે યહુદીઓ અહી અલ્પમતિમાં આવી ગયા. બીજા વિશ્વ યુદ્ધ પહેલા યહુદીઓ વિશ્વના જુદા દેશોમાં ફેલાયેલા હતા. જોકે વિશ્વ યુદ્ધ બાદ જ્યારે આ દેશોએ યહુદીઓને ગદ્દાર કહીને ખદેડવાની શરૂઆત કરી ત્યારે આ ફિલિસ્ટાઈનના થોડા ભાગમાં એક નવા દેશ ઇઝરાઇલની રચના થઈ હતી.
 
મુઠ્ઠીભર યહુદીઓના સંઘર્ષથી નવા દેશની સ્થાપના થયા બાદ માત્ર 20-30 વર્ષના ટૂંકા ગાળામાં આ દેશ એટલો મજબુત બની ગયો કે, 6 અરબી દેશો સાથે મળીને પણ ઇઝરાયલને હરાવી ના શક્યા. ઇઝરાયલના વિકસિત થવાનું મૂળ કારણ અહીનું શિક્ષણ અને ટેક્નોલોજી છે. 

ઇઝરાયલમાં વસ્તિના પ્રમાણમાં કોલેજના વિદ્યાર્થીઓની સંખ્યા દુનિયામાં સૌથી વધારે છે, જ્યારે પ્રતિ વયક્તિ પુસ્તકોની દ્રષ્ટિએ ઇઝરાયલ દુનિયામાં બીજા નંબરમાં આવે છે. નવી કંપનીઓના સ્થાપનામાં ઇઝરાયલનો ત્રીજો ક્રમ આવે છે. 

અહીં મોટી મોટી કંપનીઓની સ્થાપના થઈ છે. મોટી મોટી આઈટી કંપનીઓની સ્થાપના આ દેશમાં થઈ છે. આ નાનકડા ઇઝરાયલનું નામ દુનિયાના એવા 9 દેશોમાં આવે છે જે પોતાના દમ પર સેટેલાઈટ લોંચ કરી શકે છે. 

ઇઝરાયલની ડિફેન્સ ટેક્નોલોજી બેજોડ છે. અહીયા બનેલા હથિયારોની માગ વિશ્વના મોટા મોટા દેશોમાં પણ રહે છે. આટલુ જ નહી, ઇઝરાયલ પોતાના ટેક્નોલોજીનો મોટો ઉપયોગ કૃષિ માટે પણ કરે છે. આ દેશની કૃષિ કોઈ પણ ઓળખાણની મોહતાજ નથી. 

ઇઝરાયલના વિકાસમાં સૌથી મોટો કોઈને હાથ હોય તો તે છે નારી શક્તિનો. વાસ્તવમાં ક્યો દેશ કેટલો વિકસિત છે તે વાત તે દેશની મહિલાઓ પર નિર્ભર છે. કારણ કે, જો કોઈ દેશની મહિલા કામ ન કરતી હોય તો તે દેશ માટે મહિલા ઉત્પાદન નથી કરી શક્તિ અને દેશ પર એક બોજ બને છે. 

જો કે સ્ત્રીઓની શક્તિને ઓળખીને ઇઝરાયલે એવી વ્યવસ્થા ઉભી કરી છે કે, રાષ્ટ્રના વિકાસમાં મહિલા પણ સરખી ભાગીદાર થઈ શકે છે. ઇઝરાયલમાં રજીસ્ટર થનાર મોટા ભાગની કંપનીઓની માલિક મહિલાઓ છે. કારણ કે, અહી મહિલાઓને દરેક પ્રકારની સુવિધાઓ આપવામાં આવે છે. ઇઝરાયલના કુલ વકીલોમાંથી 44 ટકા મહિલાઓ છે. સ્ત્રી પુરુષ એક સમાનના સુત્રમાં માનતો ઇઝરાયલ એવો દેશ છે જ્યા માત્ર યુવકોને જ નહી પણ યુવતીઓને પણ અમુક વર્ષ માટે મિલિટરી ટ્રેનિંગ લેવી પડે છે. 

યોગ્ય મેનેજમેન્ટ અને અદ્વિતીય સાહસના કારણે આજે ઈઝરાયલની આગળ ભલભલા દેશો પાણી ભરે છે. ઇઝરાયલોની ઉપલબ્ધીઓની એક મોટી હારમાળ છે...પરંતુ એવુ નથી કે, ઇઝરાયલ માટે આ સિદ્ધી હાંસલ કરવી બ્રેડ બટરની જેમ સરળ હતી. ઇઝરાયલ પર પણ સતત મહાકાય મુસિબતોનો મારો રહ્યો છે. 

દેશની અંદર અને બહાર અનેક સમસ્યાઓ અને આફતોને તેણે ના માત્ર જોય છે પણ તેનો ખુમારીથી સામનો પણ કર્યો છે. દરેક આફતને ઇઝરાયલે અવસરમાં બદલી નાખી છે એટલે જ આજે તેનો ડંકો સમગ્ર વિશ્વમાં વાગે છે.