જલ્દી કરો / સોનું ખરીદવું હોય તો ઉતાવળ રાખજો, કિંમતમાં આજે ફરી આવ્યો છે ધરખમ ઘટાડો

• પાછલા અઠવાડિયાના ઉચ્ચ સ્તર કરતા લગભગ 1000 રૂપિયા જેટલી ઘટી કિંમત 
• વૈશ્વિક મંદીના આભાસને કારણે હાલ કિંમતો ઘટી રહી છે
• ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે

હાલના થોડા અઠવાડિયામાં સોના-ચાંદીની કિંમતમાં આવતી તેજીમાંથી થોડી રાહત મળી છે. ઓગસ્ટ 2022 માટે સોનાનું ફ્યુચર કોન્ટ્રેક્ટ તેના પાછલા અઠવાડિયાના ઉચ્ચ સ્તર કરતા લગભગ 1000 રૂપિયા ઓછુ થઈને 50,603 પ્રતિ 10 ગ્રામ પર બંધ થયું છે. ગ્લોબલ માર્કેટમાં પણ સોનું 1826 ડોલર પ્રતિ ઔંસ પર આવીને બંધ થયું છે. બેસમેટલ્સની કિંમતો ઘટતા એમસીએક્સ પર ચાંદીની કિંમતોમાં ગયા અઠવાડિયે આવનાર તેજી પછી રાહત મળતા 59,749 પ્રતિ કિલો પર આવીને બંધ થયું છે. એમસીએક્સ પર ચાંદીની કિંમતોમાં 2.57 ટકા ઘટાડા સાથે 21.11 ડોલર પ્રતિ ઔંસ પર બંધ થયું છે. 

એક્સપર્ટના મત મુજબ સોનાની કિંમત 1826 ડોલર પ્રતિ ઔંસ પર તત્કાલ સપોર્ટ પર છે અને 1770 ડોલરના સ્તર પર આવે ત્યારે મજબુત સપોર્ટ મળે છે. આ સાથે જ ચાંદીની જે કિંમત તત્કાલ સપોર્ટ પર 20.50 ડોલર પર છે જયારે મજબુત સપોર્ટ 20 ડોલરના સ્તર પર મળે છે. એમસીએક્સ પર સોનાની કિંમત પર તત્કાલ સપોર્ટ 49,900 રૂપિયાના સ્તર પર છે ક્યારે મજબુત સપોર્ટ 49,200 રૂપિયા પ્રતિ 10 ગ્રામના સ્તર પર મળે છે. 

રેલીગેયર બ્રોકિંગ લીમીટેડના એક્સપર્ટ વિપુલ શ્રીવાસ્તએ સોનાની ઘટતી કિંમત પાછળના કારણો વિશે જણાવ્યું કે, 'હાલના અઠવાડિયામાં ગયા અઠવાડિયા કરતા સોનાની કિંમતોમાં ઘણી રાહત મળી છે. આગળ ઔદ્યોગિક ધાતુઓની સાથે સાથે એનર્જીની કિંમતોમાં પણ ઘટાડો થશે એવી સંભાવના વર્તાઈ રહી છે. વૈશ્વિક મંદીના આભાસને કારણે હાલ કિંમતો ઘટી રહી છે અને હાલ રોકાણ કરવા માટે ઘણો સારો સમય છે. 

સોના-ચાંદીના ભાવ સાથે રૂપિયાની કિંમત પણ ડોલર સામે ઘણી નબળી પડી છે. ગયા અઠવાડિયે સોનાની કિંમત 0.42 ટકા ઘટી હતી અને આ અઠવાડિયે 0.72 ટકા સુધી ઘટાડો થયો છે. આ સાથે જ વ્યાજના દર વધી શકે છે અને એ વસ્તુ સોના-ચાંદીની કિંમતો પર ઘણો દબાણ નાખશે. જો કે હાલ ડોલર મજબુત થઇ રહ્યો છે એટલા માટે સોના-ચાંદીની કિંમત ઘટી રહી છે. 
કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.