તમારા કામનું / એમને એમ જ નથી બની જવાતું ટીમ લીડર, આ 5 ગુણ ખાસ હોવા જરૂરી

• ઘણા લોકો એવું ઈચ્છે છે કે તેને બીજા લોકોને લીડ કરવાનો મોકો મળે
• સારો લીડર બનવા માટે અમુક ગુણો ખાસ હોવા જોઈએ
• કોઈ ટીમને લીડ કરો છો તો તમે પોતે કામચોરી કે આળસ નથી બતાવી શકતા

આપણે ક્યારેકને ક્યારેક ઓફિસ લાઈફમાં આપણા લીડરથી ગુસ્સે કે નારાજ થાય હશું અને એવો વિચાર આવ્યો હશે કે એના કરતાં આપણે ટીમને વધુ સારી રીતે લીડ કરી શકતા હોત, પણ ટીમ લીડ કરવી એ કોઈ સહેલી વાત નથી. ઘણી એવી વાતો હોય છે જેને ટીમ લીડરે ધ્યાનમાં રાખવી જોઈએ. આવો જાણીએ શું છે સારા ટીમ લીડરની ક્વોલિટી... 

આપણે જીવનમાં ઘણા એવા લોકોને મળ્યા હશું જેને ક્યારેક ટીમ લીડ કરવાની ઈચ્છા હોય છે. ઘણા લોકો એવું ઈચ્છે છે કે તેને બીજા લોકોને લીડ કરવાનો મોકો મળે પણ એવ સારું લીડર બનવું એ કોઈ સહેલી વાત નથી. એક સારો લીડર બનવા માટે અમુક ગુણો ખાસ હોવા જોઈએ. અને અમે તમને એવા જ ગુનો વિશે જણાવવા જઈ રહ્યા છીએ. 

ટીમના કામની નાની નાની વાતને સમજે 
એક સારા ટીમ લીડરની ઓળખાણ હોય છે કે તે તેની ટીમની નાની નાની વાતોને સમજે અને ઓળખે. સાથે જ જે લોકો કામની બારીકાઈને નથી સમજી શકતા તેને સાચી રીતે માર્ગદર્શન આપે. 

ટીમ માટે ઉદાહરણ બને - 
એક ટીમ લીડર તેની ટીમ માટે એક ઉદાહરણ પૂરું પાડે છે. તેની ટીમને એવું ક્યારેય ન લાગવું જોઈએ કે આ લીડર સારો નથી કે મારે તેના જેવુ નથી બનવું. જો તમે કોઈ ટીમને લીડ કરો છો તો તમે પોતે કામચોરી કે આળસ નથી બતાવી શકતા. જો તમે જ આળસ બતાવશો તો તમારા ટીમ મેમ્બર ક્યારેય સારું કામ નહીં કરી શકે. 

ટીમની દરેક વાતોને સમજો - 
એક સારા ટીમ મેમ્બરની ક્વોલિટી હોય છે કે તે તેના ટીમ મેમ્બરની વાતને સાંભળે અને સમજે પણ ખરી. એવું ન થવું જોઈએ કે ટીમમાં તમે બસ તમારી જ કહો અને ક્યારેય કોઈનું ન સાંભળો. એક ટીમ મેમ્બર દરેકની વાતને સમજે છે. 

સમાન વ્યવહાર - 
એક સારો ટીમ લીડર બધા સાથે સમાન વ્યવહાર કરે છે. ક્યારેય કોઈ વચ્ચે ભેદભાવ કરતો નથી. 

નિર્ણય લેવાની ક્ષમતા 
જ્યારે તમે કોઈ ટીમને લીડ કરો છો ત્યારે ઘણી વખત એવી પરિસ્થિતિનો સામનો કરવો પડે છે જ્યાં ખૂબ જલ્દી જ નિર્ણય લેવો પડતો હોય છે. એક સારા ટીમ લીડરમાં જલ્દી અને સારા નિર્ણય લેવાની ક્ષમતા હોવી જોઈએ.