આજના સમયમાં વીગન થવું નવું ચલણ બની ગયું છે. જેમાં તમે પ્લાન્ટ આધારિત આહાર જ ખાઈ શકો છો. આજના સમયમાં વીગન થવું નવું ચલણ બની ગયું છે. જેમાં તમે પ્લાન્ટ આધારિત આહાર જ ખાઈ શકો છો.
વીગન થતા પહેલા રાખજો ધ્યાન
સંપૂર્ણ વીગન બનતા લાગશે વાર
જંકફૂડ કરી દેવુ પડશે સંપૂર્ણ બંધ
તેમાં તમે ડેરી પ્રોડક્ટ્સ પણ નથી લઇ શકાતી. આવો શાકાહારી આહાર લેવામાં ઘણા ફાયદા છે, પરંતુ તેને યોગ્ય સમજણથી ન લેવાતા તેની ખરાબ અસર ભોગવવી પડેે છે. આવા આહારમાં મિટ, ઈંડાં અને ડેરી પ્રોડક્ટથી સંપૂર્ણપણે દૂર રહેવાનું હોવાથી તમારા શરીરમાં ઘણાં પોષક તત્વોની ઉણપ સર્જાઈ શકે છે. જો તમે આવો આહાર લેવાનું પ્લાનિંગ કરી રહ્યા હોય તો તમારે ઘણી બાબતોથી સાવધાન થવું જરૂરી છે.
બી12 સપ્લિમેન્ટ
વિટામિન બી12 પ્રાકૃતિક રીતે જાનવરોમાં જોવા મળે છે. જો તમે પશુ આધારિત આહાર નથી લેતા તો શરીરમાં બી૧૨ વિટામિનની ઉણપ થઇ શકે છે. જેથી આવો આહાર લેતા લોકોને સલાહ આપવામાં આવે છે કે તેઓ રોજ વિટામિન બી૧૨ સપ્લિમેન્ટનું સેવન કરે. આ વિટામિન તમારી નર્વ અને બ્લડ સેલ્સને હેલ્ધી રાખે છે.
પ્રોટીન
વીગન ડાયેટથી તમારા શરીરમાં પ્રોટીનની કમી થઇ શકે છે. જેથી તમારા ડાયટમાં પ્રોટીનથી ભરપૂર ખોરાક સામેલ કરવો જોઈએ. જેનાથી તમારા શરીરને પ્રોટીન મળી શકે. ઉલ્લેખનીય છે કે, પ્રોટીનનો સારો સ્ત્રોત સોયા, દાળ, બીન્સ, કવીનોઆ અને પનીર છે.
જંક ફૂડને કહો ના
પશુ આધારિત ખોરાક ન ખાવાનો મતલબ એવો નથી કે તમે પેટ ભરીને બ્રેડ અને પાસ્તા ખાઓ. આ ખોરાક માત્ર તમારું વજન વધારવાનું કામ કરશે. વજન વધવાથી તમને ચીડચિડિયા થવાનો અનુભવ થઇ શકે છે.
સીમિત માત્રામાં લો સોયા
સોયા મિટનો સારો વિકલ્પ છે, પરંતુ તેનું અધિક સેવન શરીર પર ખરાબ અસર કરી શકે છે. સોયાના સૌથી સારા સ્ત્રોત ટોફૂ, સોયા દૂધ અને મીસો છે. જેને તમારા ડાયટમાં સામેલ કરવા જોઈએ.
વીગન થવામાં લાગશે સમય
તમે એકદમ સંપૂર્ણપણે વીગન નહીં થઇ શકો. સંપૂર્ણ રીતે શાકાહારી થવામાં અને પશુ આધારિત બધી જ પ્રોડક્ટ્સ છોડવામાં તમને સમય લાગશે. જેથી ધીરે-ધીરે ભોજનમાં વધુ વેજ અને ઓછું મિટ લેવાનું શરૂ કરો.