આજે તમારા પાન કાર્ડને આધાર સાથે લિંક કરવાની છેલ્લી તારીખ, જો તમે ના કર્યું હોય તો કાલથી બમણો દંડ ભરવા તૈયાર રહો
1 જુલાઇથી અનેક નવા નિયમો અમલમાં આવશે
આજે જ પતાવી લો PAN-Aadhaar કાર્ડનું કામ
આવતીકાલથી બમણો દંડ 1000 રૂપિયા ચૂકવવા પડશે
આવતીકાલે 1 જુલાઇથી અનેક નવા નિયમો અમલમાં આવવાના છે. આ બધાની વચ્ચે હવે PAN-Aadhaar કાર્ડનું કામ પતાવવા માટે પણ આજે લાસ્ટ દિવસ છે. આજે તમારા પાન કાર્ડને આધાર સાથે લિંક કરવાની છેલ્લી તારીખ છે. જો તમે ના કર્યું હોય તો તરત જ કરો નહીંતર કાલથી બમણો દંડ ભરવા તૈયાર રહો.
ડબલ પેનલ્ટી કેમ ?
ડબલ પેનલ્ટી એટલા માટે છે કારણ કે UIDAI દ્વારા આપવામાં આવેલ આધાર કાર્ડ સાથે PAN લિંક કરવાની છેલ્લી તારીખ 31 માર્ચ હતી અને તે પછી તેને 500 રૂપિયાના દંડ સાથે 30 જૂન 2022 સુધી લંબાવવામાં આવી હતી. હવે આજે 500 રૂપિયાની લેટ ફી સાથે PAN-આધારને લિંક કરવાની છેલ્લી તારીખ પણ સમાપ્ત થઈ રહી છે, જેના પછી તમારે આવતીકાલથી બમણો દંડ એટલે કે 1000 રૂપિયા ચૂકવવા પડશે.
અગાઉ સરકારે 500 રૂપિયા લેટ ફી લાગુ કરી હતી
નોંધનિય છે કે, 31 માર્ચ પછી સરકારે 500 રૂપિયાની લેટ ફી લાદી હતી. હવે આવતીકાલે એટલે કે 1 જુલાઈથી 1000 રૂપિયાની લેટ ફી ભર્યા પછી જ તમે આધાર-PAN લિંક કરવાની સુવિધા મેળવી શકશો.