ભારતની વસ્તીમાં લગભગ 20 ટકા હ્રદયરોગીઓ છે. ગ્રામીણ ક્ષેત્રોની સરખામણીમાં શહેરોમાં હ્રદય રોગના દર્દીઓ વધુ છે. તેના કારણોની વાત કરીએ તો ખરાબ લાઇફ સ્ટાઇલ, ખોટી ખાણીપીણી અને આનુવંશિકતા પ્રમુખ કારણ છે. આંકડાઓ પર નજર કરીએ તો 95 ટકા દર્દીઓમાં હાર્ટ ડિસીઝ ખરાબ લાઇફસ્ટાઇલના કારણે જ થાય છે. ઘણા સંશોધનોમાં જાણવા મળ્યુ છે કે 30 વર્ષની ઉંમરમાં કેટલીક બાબતોનું ધ્યાન રાખવામાં આવે તો 50-60ની ઉંમરમા હ્રદયરોગના ખતરાને ઘટાડી શકાય છે.
ભારતની વસ્તીમાં લગભગ 20 ટકા હ્રદયરોગીઓ છે
ખરાબ લાઇફ સ્ટાઇલ, ખોટી ખાણીપીણી અને આનુવંશિકતા પ્રમુખ કારણ છે
સંયમિત ડાયેટ લો
30 વર્ષની ઉંમર સુધી મેટાબોલિક રેટ એવો હોય છે કે બધુ પચી જાય છે, ત્યારબાદ જો વધુ ખાવ તો તે ફેટ અને કોલેસ્ટ્રોલના રુપમા જમા થાય છે. તેથી હાર્ટ ડિસીઝની શક્યતાઓ વધી જાય છે.
40 મિનિટ વ્યાયામ કરો
રોજ ફરજિયાત 40 મિનિટ વ્યાયામ કરો. તેનાથી શરીરમાં જમા બેડ કોલેસ્ટ્રોલ ઘટે છે અને ગુડ કોલેસ્ટ્રોલ વધે છે. વ્યાયામથી સ્ટ્રેસ લેવલ પણ ઘટે છે. 40 મિનિટનું બ્રિસ્ક વોકિંગ પણ ફાયદાકારક છે.
સ્ટ્રેસથી બચો
તણાવથી હોર્મોન-એંજાઇમ્સના સંતુલનમાં ગરબડ થાય છે. ડિપ્રેશન અને હાઇ બીપી થાય છે. અનુલોમ-વિલોમ અને પ્રાણાયમથી વધુ ઓક્સિજન મળે છે અને સારું મહેસુસ થાય તેવા હોર્મોન્સ વધે છે.
સમય પર કરાવો સ્ક્રીનિંગ
30 વર્ષની ઉંમર બાદ રિસ્ક એસેસમેન્ટ કરાવવું જોઇએ. જેની ફેમિલિ હિસ્ટ્રીમાં બીપી, કિડની અને હાઇ કોલેસ્ટ્રોલ હોય તેઓ હાઇરિસ્કની શ્રેણીમાં આવે છે. તેમણે તો વર્ષમાં એક વાર તપાસ ખાસ કરાવવી જોઇએ.
લિક્વીડ કુકિંગ ઓઇલ ખાવ
કુકિંગ ઓઇલમાં સરસવ, અળસી, સુર્યમુખી, રિફાઇન્ડ અને ઓલિવ ઓઇલનો પ્રયોગ કરી શકાય છે. વનસ્પતિ ઓઇલના પ્રયોગથી બચો. રોજ 15 મિલિ ઓઇલ ખાઇ શકો છો
હાર્ટ પેશન્ટ દુધ ઓછુ લે
હાર્ટના દર્દીઓ ડોકટરની સલાહ પર દુધની માત્રા નિર્ધારિત કરે. વધુ દુધ પીવાથી ટ્રાઇ ગ્લિસરાઇડ વધી શકે છે. તેનાથી કોલેસ્ટ્રોલ પણ વધે છે.
નશાથી દુર રહો
ધુમ્રપાન અને આલ્કોહોલથી હ્રદયને ખતરો વધે છે. સ્મોકિંગ કરનારા લોકોમાં હ્રદય રોગની શક્યતાઓ વધી જાય છે. વધુ દુધ પીવાથી ટ્રાઇગ્લિસરાઇડ વધી શકે છે. તેનાથી કોલેસ્ટ્રોલ પણ વધે છે.
રાત્રે 8 વાગ્યા પહેલા ડિનર કરો
સુવાના ત્રણથી ચાર કલાક પહેલા ડિનર કરી લો અથવા રાત્રે 8 વાગ્યા પહેલા જમી લો. લોકો રાત્રે વધુ જમે છે તેનાથી પાચન અને હ-દય બંનેને નુકશાન થવાની શક્યતાઓ વધી જાય છે. પાચન બગડવાની અસર હાર્ટ પર પણ પડે છે.
વજન વધે તરત કન્ટ્રોલ કરો
નિયમિત રીતે તમારુ વજન ચેક કરતા રહો. જો વધતા વજનને શરુઆતમાંજ ડાયેટ અને વ્યાયામથી નિયંત્રિત કરી લેવામાં આવે તો હ્રદય અને અન્ય રોગોથી બચી શકાય છે.