આકર્ષક / રાજકોટવાસીઓ માટે મોટા સમાચાર, વેક્સિન લેશો તો મળશે એવી ગિફ્ટ કે સપને પણ નહીં વિચાર્યું હોય

• બીજા ડોઝની વેક્સીન માટે આકર્ષક ઓફર 
• રાજકોટ મહાપાલિકા આપશે સ્માર્ટ ફોન 
• 50 હજારની કિમતનો ફોન લકી ડ્રો થી જીતાશે 

ગુજરાતમાં કોરોનાને નાથવા અને કેન્દ્ર તથા રાજ્ય સરકારની રસીકરણ ઝૂમ્બેશને વધુ વેગવંત બનાવવા રાજકોટ મહાનગર પાલિકાએ,કોરોના વિરોધી રસીના બીજા ડોઝ માટે એક આકર્ષક યોજના અમલી બનાવવા નિર્ણય કર્યો છે. રાજકોટમાં અંદાજે 1.82 લાખ નાગરીકો વેકસીનના બીજા ડોઝથી વંચિત છે. જે લોકો રસીના બીજા ડોઝથી વંચિત છે તેઓ માટે આ યોજના વધુ આકર્ષક રહેશે. આવતીકાલથી એક સપ્તાહ સુધીમાં જે નાગરીકો રસીનો બીજો ડોઝ લેશે તેને રૂપિયા 50 હજારની કિમતનો સ્માર્ટ ફોન આપવામાં આવશે. 

વેક્સીન લો,સ્માર્ટ ફોન લો; પણ લકી ડ્રો થી 

દેશમાં રસીકરણનો વ્યાપ વધુ ઝડપી બને તે માટે કેન્દ્ર સરકારે દિશા નિર્દેશો પણ આપ્યા છે ત્યારે, રાજ્યની મહાનગર પાલિકા પણ વિવિધ ઉફારથી રસીકરણ અંતર્ગત બીજા ડોઝ માટે નાગરિકોને આકર્ષી  રહી છે. આવું જ રાજકોટ મહાનગર પાલિકાએ કર્યું છે. 4 થી 10 ડીસેમ્બર દરમિયાન જે નાગરીકો વેક્સીનનો બીજો ડોઝ ગ્રહણ કરશેતેઓને રૂપિયા 50 હજારની કિમતનો સ્માર્ટ ફોન આપવામાં આવશે. એક સપ્તાહ અંતર્ગત થયેલા રસી કારણ બાદ, એક લકી ડ્રો કરવામાં આવશે જેમાં વિજેતાને  નિવડનાર ભાગ્યશાળી વેક્સીનરને સ્માર્ટ ફોન આપવામાં આવશે.આ ઉપરાંત અર્બન હેલ્થ સેન્ટરને પણ ઉત્કૃષ્ઠ કામગીરી બદલ  21 હજાર રૂપિયા એનાયત કરવામાં આવશે.

રાજકોટ,આકર્ષક'સ્કીમ'માં પહેલું 

રાજ્યમાં બીજા ડોઝ પ્રત્યે દાખવાતી ઉદાસીનતાનાં અહેવાલો વહેતા થતા,કેન્દ્ર સાથે રાજ્ય સરકાર પણ ચિંતિત બની હતી. ગુજરાતમાં વેકસીનના બીજા ડોઝ પ્રત્યે દાખવાયેલી ઉદાસિનતાના પરિણામે અમદાવાદે પણ જાહેર સ્થળો કાંકરિયા,રીવર ફ્રન્ટ, BRTS બસ શોપિંગ મોલ વગેરેમાં બીજા ડોઝનું સર્ટીફીકેટ હોવું ફરજિયાત બનાવ્યું છે. તો બીજા ડોઝ સાથે 1 લીટર સિંગતેલના પાઉચ પણ અમદાવાદ, સુરત મહાનગર પાલિકામાં અપાયા છે. પરંતુ લકી ડ્રો ના માધ્યમથી 50 હજારની કિમતના સ્માર્ટ ફોનની  રાજકોટ મહાનગર પાલિકાની આ પહેલી 'સ્કીમ' છે.હવે જોવાનું એ છે કે, કેવો પ્રતિસાદ મળે છે. 

રાજકોટમાં  નળ જોડાણ માટે  મીટર;નવી પોલીસી 

રાજકોટ મહ્નાગર પાલિકાએ  31 નિયમો સાથે નવી ડ્રાફ્ટ વોટર પોલીસી  તૈયાર કરી છે.જે આગામી નાણાકીય વર્ષથી લાગીં કરાશે. આ પોલીસીમાં દરેક ઘરે પાણીના મીટર મુકવામાં આવશે. વોટર મીટરનો ખર્ચ અને ફિટિંગ ચાર્જ નાગરિકો પર ઝીંકાશે.