ફાસ્ટ લાઈફમાં લોકો કંઈ પણ ક્યારેય પણ ખાઈ લે છે. જેના કારણે તેમને ગેસની સમસ્યા રહે તે સામાન્ય વાત બની ગયું છે. ખાસ કરીને ઠંડીની સીઝનમાં તીખું ને મસાલાવાળું ફૂડ લેવાથી છાતીમાં બળતરા થાય તે પણ શક્ય છે. આ સાથે જ ક્યારેક પેટમાં અને માથાનો દુખાવો પણ રહે છે. બદલાતી સીઝનમાં આ નાની સમસ્યાઓથી આરામ મેળવવા દવાઓના બદલે ઘરેલૂ નુસખા અજમાવી શકો છો.
ગેસની સમસ્યાથી રાહત આપશે આ ટિપ્સ
ગેસની સમસ્યાથી બચવા રસોઈની આ ચીજોનો કરો ઉપયોગ
ગેસની મુશ્કેલીઓથી ગભરાઓ નહીં કરો આ કામ
આ કારણે પેટમાં બને છે ગેસ
વધુ ખાટુ, તીખું, મસાલાવાળું ભોજન લેવાની સાથે જ મોડી રાત સુધી જાગવું, પાણી ઓછું પીવું, ગુસ્સો, ચિંતા, ખુબજ વધુ સમય એક જગ્યા ઉપર બેસી રહેવું. આ સિવાય થોડીક દાળ તેમજ શાકભાજી પણ એવી હોય છે જેનાથી ગેસ બનતો હોય છે. વધુ ચા પીવાથી પણ ગેસ બનતો હોય છે તેનાથી પેટ, પીઠ, છાતીમાં દુખાવો, માથામાં દુખાવો થવા લાગે છે અને ભૂખ ઓછી લાગે છે. ઓડકાર વધુ આવે છે.
ગેસ બનવાના કારણે આવી થાય છે મુશ્કેલીઓ
છાતી તેમજ પેટમાં બળતરા થાય છે. ચક્કર આવવા લાગે છે જેવી સમસ્યા થતી હોય છે.
ગેસ દૂર કરવાના આ છે ઘરેલૂ ઉપાયો
લીંબુનો રસ તેમજ આદુ એક એક ચમચી લઈને ત્યારબાદ તેમા થોડું સંચળ મિક્સ કરો. તેને ભોજન કર્યા પછી ખાવાથી પાચન શક્તિ સારી થઈ જાય છે અને ગેસ જેવી સમસ્યા દૂર થઈ જાય છે.
અજમાનું ચૂરણ ગરમ પાણી સાથે ખાઓ તેનાથી ગેસમાંથી આરામ મળે છે.
રોજ બેથી ત્રણ નાની હરડે મોઢામાં રાખીને ચુસો તેનાથી ફાયદો થશે.
મેથીના દાણા અને ગોળનું પાણી મેળવીને ઉકાળો. પાણીને ગાળીને પી લો. ગેસમાંથી આરામ મળે છે.
બે ચપટી પીસેલી લીલી હળદરમાં બે ચપટી મીઠું નાંખીને ગરમ પાણી સાથે પીવો.
દળેલી હિંગ તેમજ સંચળ, મીઠું મેળવીને ગરમ પાણી સાથે ખાવાથી પણ આરામ મળશે.