ટેક્નોલોજી / બચજો! બેન્કમાં ફોન લગાવશો તો જશે સાયબર ગઠિયાઓને, મોબાઈલમાં ઘૂસ્યો ખતરનાક માલવેયર

"FakeCall" નામનો માલવેયર એન્ડ્રોઇડ યુઝર્સ માટે એક મોટા ખતરા તરીકે ઉભરી આવ્યો છે.  આ માલવેયર યુઝર્સના બેંક કોલ પર નજર રાખે છે. જ્યારે યુઝર્સ બેંક નંબર ડાયલ કરે છે ત્યારે તે સ્કેમર્સને કોલ રીડાયરેક્ટ કરી દે છે. પછી સ્કેમર્સ બેંકના પ્રતિનિધિઓ તરીકે વાત કરે છે, જેમાં તે બેંક ખાતા સાથે સંબંધિત માહિતી લઈને ખાતું ખાલી કરી નાખે છે. વર્ષ 2022માં શોધાયેલ આ માલવેરનું વધુ ઘાતક સંસ્કરણ હવે સામે આવ્યું છે. જેને અપડેટ કરવામાં આવ્યું છે, આ માલવેયર સ્માર્ટફોનને રિમોટલી કંટ્રોલ કરવામાં પણ સક્ષમ છે.

આ માલવેયરના નવા વર્ઝનમાં "Vishing" ટેક્નોલોજીનો ઉપયોગ કરવામાં આવ્યો છે.  "Vishing"માં નકલી ફોન કૉલ્સ અથવા વૉઇસ મેસેજથી તેમના ક્રેડિટ કાર્ડ નંબર્સ, લૉગિન ક્રેડેન્શિયલ્સ અને બેંકિંગ ડિટૈલ જેવી સંવેદનશીલ માહિતી શેર કરવાનું કહેવામાં આવે છે. આથી "FakeCall"થી બચવા માટે ગૂગલ પ્લે સ્ટોર સિવાયના કોઈપણ અનવેરિફાઈડ સોર્સમાંથી એપ્સ ડાઉનલોડ ન કરવી જોઈએ. આ સિવાય દર અઠવાડિયે ફોન રીબૂટ કરો અને એન્ટીવાયરસ સોફ્ટવેર વડે સ્કેન કરો.

• આ રીતે આવે છે ફોનમાં માલવેયર
  આ માલવેયરત્યારે ફોનમાં આવે છે જ્યારે એન્ડ્રોઈડ યુઝર અનવેરિફાઈડ સોર્સમાંથી શંકાસ્પદ APK ફાઈલ અથવા એપને ડાઉનલોડ અને ઈન્સ્ટોલ કરે છે. FakeCall બાદમાં ડિફોલ્ટ ડાયલર એપ્લિકેશન બનાવવા માટે પરવાનગી માંગે છે. આ પરવાનગી આપવામાં આવ્યા બાદ તે ઍક્સેસિબિલિટી સર્વિસનો ઉપયોગ કરીને ડીવાઈસનું સંપૂર્ણ કંટ્રોલ લઈ લે છે. દરેક ઇનકમિંગ અને આઉટગોઇંગ કૉલ્સનું નિરીક્ષણ કરી શકે છે.

• કૉલ રીડાયરેક્ટ
  જો તે યુઝર્સ બેંકમાં કોલ કરે છે તો આ માલવેયર તે કોલને સાયબર ક્રિમીનલને રીડાયરેક્ટ કરી દે છે. ત્યારબાદ ક્રિમીનલ ઓટીપી અને પાસવર્ડ જેવી માહિતી માંગે છે. FakeCall એટલો ખતરનાક છે કે તે તમારી સ્ક્રીનને રેકોર્ડ પણ કરી શકે છે, સ્ક્રીનશોટ લઈ શકે છે, અનલૉક કરી શકે છે અને ઑટો-લૉક સર્વિસને બંધ પણ કરી શકે છે.
  
• વધુ વાંચો : TRAI આપી રહ્યું છે ત્રણ મહિનાનું ફ્રી રિચાર્જ, મેસેજ પર PIBનું ફેક્ટ ચેક, ખુલાસો આંખ ઉઘાડતો

"FakeCall" ને શોધવો મુશ્કેલ છે કારણ કે તે નકલી યુઝર ઇન્ટરફેસનો ઉપયોગ કરે છે જે અસલી Android કૉલ ઇન્ટરફેસ જેવું જ દેખાય છે. આ માલવેર ફરજી સાઈટ પરથી ફેલાઈ રહ્યો છે. આ માલવેર ફેલાવતી 13 એપ્સ શોધી કાઢવામાં આવી છે, પરંતુ તેના નામ હજુ સુધી જાહેર નથી કરાયા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ