પૈસાની અચાનક પડતી જરૂરીયાતને પૂર્ણ કરવા માટે લોકો લોનનો સહારો લે છે. પછી તે કોઈ બિમારી માટે હોય અથવા ઘર ખરીદવા અથવા દીકરીના લગ્ન માટે અથવા પછી કોઈ અન્ય ખર્ચ માટે કેમ ના હોય. આ દરમ્યાન હોમ અથવા ઑટો લોનને છોડીને વાત કરીએ પર્સનલ લોનની.
પર્સનલ લોન લેતી વખતે રાખો આ સાવચેતી
નહીં રાખો ધ્યાન તો મુશ્કેલી ઉભી થશે
લોન લઇને તમારી જરૂરીયાત પૂરી કરી શકો છો
શું હોય છે પર્સનલ લોન?
પર્સનલ લોન સરળ જરૂર હોય છે, પરંતુ જો તમે કેટલીક વાતનુ ધ્યાન નહીં રાખો તો આ તમારા માટે પરેશાનીનુ કારણ બની શકે છે. પર્સનલ લોન ખરેખર એક અન-સિક્યોર્ડ લોન હોય છે, જેના માટે ગોલ્ડ અને હોમ લોનની જેમ કોઈ કોલેટેરલ અને સિક્યોરિટી જમા કરવી પડતી નથી. સીધા શબ્દોમાં કહીએ તો ઉધાર લેનારને કોઈ ગેરંટી અથવા કોઈ ગિરવી રાખવાની જરૂર નથી. આ લોનની ચૂકવવાની મર્યાદા સામાન્ય રીતે 12 થી 60 મહિનાની વચ્ચે હોય છે. હોમ લોન અથવા કાર લોનની વિપરીત આ લોનનો ઉપયોગ કોઈ પણ પ્રકારની આવશ્યકતાને પૂરી કરવા માટે કરી શકાય છે. જેમ કે મેડિકલ ઈમરજન્સી, લગ્ન અથવા અભ્યાસનો ખર્ચ.
વ્યાજ દરના હિસાબે કરો પસંદગી
પર્સનલ લોન લેતી વખતે સમય અને વ્યાજ દરની ગણતરી આવશ્ય કરો. કારણકે અન્ય કોઈ પણ પ્રકારની લોનનની તુલનામાં પર્સનલ લોનના વ્યાજ દર વધુ રહે છે. આ 10 થી 24 ટકા સુધી હોઇ શકે છે. વ્યાજ દર જેટલા વધારે હશે તેટલા ઈએમઆઈ વધુ બનશે. એવામાં પહેલી વાત તો આ ધ્યાનમાં રાખો કે પર્સનલ લોન ત્યાંથી જ લો જ્યાંથી સૌથી ઓછા વ્યાજ દર હોય.
સમયસર ચૂકવણી કરવામાં છે ભલાઈ
પર્સનલ લોન કોઈ પણ કામ માટે લેવામાં આવી હોય. આ વાતનુ વિશેષ ધ્યાન રાખવુ જોઈએ કે તેની હપ્તાની ચૂકવણી મોડુ થયા વગર સમયસર થાય. કારણકે ચૂકવણીમાં ચૂકની અસર તમને કોઈ પણ પ્રકારની લોન લેતી વખતે પડે છે. ખરેખર તેનુ કારણ એ હોય છે કે પેમેન્ટ યોગ્ય સમયે ના કરવુ તમારા ક્રેડિટ સ્કોર પર ઈફેક્ટ પાડી શકે છે. ક્રેડિટ સ્કોર ખરાબ થવાથી ભવિષ્યમાં લોન લેવામાં મુશ્કેલી થાય છે. કારણકે મોટાભાગના લોન આપનાર આ આધારે લોન મંજૂર કરે છે.