કામની વાત / જો-જો આવી ભૂલો કરતા, નહીંતર અટકી જશે પીએમ કિસાનનો 19મો હપ્તો

કેન્દ્ર સરકાર દ્વારા પીએમ કિસાન સન્માન નિધિ યોજના ચલાવવામાં આવે છે. જેમાં ખેડૂતોને દર વર્ષે 6 હજાર રૂપિયા ત્રણ હપ્તામાં આપવામાં આવે છે. જેમાં અત્યાર સુધી 18 હપ્તા આપવામાં આવ્યા છે. આ યોજનાનો લાભ લેવા માટે માત્ર ખેડૂત જ હોવું જરૂરી નથી પણ તેના માટે પાત્ર પણ હોવું જરૂરી છે. આથી આ યોજનાનો લાભ લેવા માટે અમુક ભૂલો કરવાથી તમારે બચવું જોઈએ નહીં તો તમે 19માં હપ્તાથી વંચિત રહી શકો છો. અહીંયા જાણીશું કે તમારે કઈ ભૂલો ન કરવી જોઈએ.

• ભૂલ નંબર 1
  ભૂ સત્યાપન કામ અધૂરું છોડવાનું કે બિલકુલ ન કરવાની ભૂલ ન કરવી જોઈએ. જો કોઈ ખેડૂત આમ કરે છે તો તે હપ્તાના લાભથી વંચિત રહી શકે છે. આથી તમારે ભૂ સત્યાપન કરાવી દેવું જોઈએ. કેમ કે આ કામ ફરજિયાત છે.

• ભૂલ નંબર 2
  આ યોજનાનો લાભ લેવા માટે ઈ-કેવાયસી કરાવવુ ફરજિયાત છે. જો તમે આ કામ ન કરાવ્યું હોય તો તમારે તરત જ કામ પુરુ કરી દેવું જોઈએ. નહીં તો તમને 19મો હપ્તો નહીં મળે. તમે આ યોજનાની અધિકૃત વેબસાઇટ pmkisan.gov.in પરથી ઈ-કેવાયસી કરાવી શકો છો અથવા તમે તમારા નજીકના CSC સેન્ટર પર જઈને પણ ઈ કેવાયસી કરાવી શકો છો.

• ભૂલ નંબર 3
  પીએમ કિસાન યોજનાનો લાભ લેવા માટે તેની અરજી ફોર્મમાં કોઈ ભૂલ ન કરવી. જો આ ફોર્મમાં તમારું નામ ખોટું હશે, અંગ્રેજીને બદલે બીજી કોઈ ભાષામાં લખેલું હશે, આધાર નંબર ખોટો સહિતની ભૂલ હશે તો તમારી અરજી અટકી શકે છે. જેથી તમે હપ્તાના લાભથી પણ વંચિત રહી જશો.

વધુ વાંચો : નોકરી શરૂ થતા જ આ સ્કીમમાં રોકાણ શરૂ કરી દો, રિટાયરમેન્ટ બાદ તકલીફ નહીં પડે, સાથે અન્ય લાભ ખરો

• ભૂલ નંબર 4
  ખેડૂત દ્વારા આધાર લિન્કિંગનું કામ નહીં કરાવ્યું હોય તો તેવા લોકો પણ હપ્તાના લાભથી વંચિત રહેશે. આમાં તમારે તમારી બેંકની શાખામાં જઈને તમારું આધાર કાર્ડ તમારા બેંક ખાતા સાથે લિંક કરાવવું જરૂરી છે. આ કામ ન કરાવવા પર પણ તમે 19માં હપ્તાથી વંચિત રહી જશો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ