જો જરૂર કરતા વધુ વીજળીનો ઉપયોગ કરશો તો હવે મોંઘુ પડી શકે છે, બિન જરૂરી લાઈટ, પંખા, એસીનો ઉપયોગ કરશો તો આટલા રૂપિયા વધુ ચુકવવા પડશે.
રાજ્યમાં વીજ ગ્રાહકોના વીજબીલમાં થશે વધારો
ગુજરાતમાં વીજગ્રાહકો પર મહિને 88 કરોડને બોજો
યુનિટ દીઠ ફ્યૂઅલ સરચાર્જમાં 10 પૈસાનો વધારો
ગુજરાતના વીજ ગ્રાહકો માટે માઠા સમાચાર સામે આવ્યા છે. હવે રાજ્યમાં બેફામ વીજળીનો વપરાસ કરતા લોકોએ સાવધ થઈ જજો કેમકે હવે તમારા ખિસ્સા પર વીજ કંપનીઓ નજર કરીને બેઠી છે જો જરૂર કરતા વધુ વીજળીનો ઉપયોગ કરશો તો હવે મોંઘુ પડી શકે છે, બિન જરૂરી લાઈટ, પંખા, એસીનો ઉપયોગ કરશો તો આટલા રૂપિયા ચુકવવા પડશે.
રાજ્યના 1.40 કરોડ જેટલા ગ્રાહકોને થશે અસર
વીજ વપરાસ કરતા લોકોએ હવે બીલ ચુકવવું મોંઘ પડી શકે છે એક તરફ ઈંધણ અને જીવન જરૂરી ચીજ વસ્તુઓના ભાવ આસમાને જઈ રહ્યા છે ત્યારે હવે વીજ ગ્રાહકોના વીજબીલમાં વધારો થઈ શકે છે. જેના કારણે રાજ્યના 1.40 કરોડ જેટલા ગ્રાહકોને આ ભાવ વધારાની અસર થઈ શકે છે.
યુનિટ દીઠ ફ્યૂઅલ સરચાર્જમાં 10 પૈસાનો વધારો
મહત્વનું છે કે રાજ્યમાં હાલ વીજ ગ્રાહકો પર મહિને 88 કરોડનો બોજો છે એવામાં યુનિટ દીઠ ફ્યૂઅલ સરચાર્જમાં 10 પૈસાનો વધારો કરવામાં આવતા હવે વીજબીલ મોંઘ થઈ શકે છે. એટલે યૂનિટ દીઠ ફ્યૂઅલ સરચાર્જ 1.80ની જગ્યાએ હવે 1.90 થઈ જશે. જેથી ગ્રાહકોના ખિસ્સા પર વધુ બોજ પડશે તેવું વર્તાઈ રહ્યું છે.
મોંઘવારીનો માર સહન કરવાનો વારો આવ્યો
ઉલ્લેખનિય છે કે રાજ્યમાં પેટ્રોલ ડીઝલ સહિત CNG, PNGના ભાવ વધી રહ્યા છે, તેમજ ખાદ્યતેલ રાંધણ ગેસના સિલિન્ડર સહિત અનેક જીવન જરૂરી ચીજવસ્તુઓના ભાવમાં વધારો કરાયો છે ત્યારે બીજી તરફ હવે વીજબીલમાં પણ યુનિટ દીઠ ફ્યૂઅલ ચાર્જમાં વધારો કરાતા હવે મોંઘવારીનો પ્રજાએ માર સહન કરવાનો વારો આવ્યો છે.