સુવિધા / ભૂલથી પણ આવાં સિક્કા કે નોટો પાસે રાખતા હોવ તો સાવધાન, જાણી લો શું છે બેંકનો નિયમ

• તમે 1 રૂપિયા અને 50 પૈસાના સિક્કા કે નોટો રાખ્યા છે
• તે સિક્કા બેંકમાં જમા કરાવવા માંગો છો!
• મુશ્કેલી વિના સરળતાથી બેંકમાં જમા કરાવી શકો છો સિક્કા

 જો તમે તમારી પાસે 1 રૂપિયા અને 50 પૈસાના સિક્કા કે નોટો રાખ્યા છે અને તે સિક્કા બેંકમાં જમા કરાવવા માંગો છો, તો તમે તેને કોઈપણ મુશ્કેલી વિના સરળતાથી બેંકમાં જમા કરાવી શકો છો. પરંતુ એકવાર તમે જુના સિક્કા જમા કરાવો તો બેંકો તે સિક્કા પાછા નહીં આપે, તેના બદલે તમને નવા સિક્કા અથવા નોટો આપવામાં આવશે. કારણ કે આરબીઆઈની ગાઈડલાઈન મુજબ જૂના સિક્કા ચલણમાં નથી. એટલા માટે તમે જૂના સિક્કા બદલી શકતા નથી. અને એકવાર બેંકમાં જમા કરાવ્યા પછી બેંક તેને ફરીથી ઉપાડી શકશે નહીં. કારણ કે બેંક દ્વારા ફરીથી જુનો સિક્કો કે નોટ જારી કરવામાં આવશે નહીં. આ સિક્કાઓ રિઝર્વ બેંક ઓફ ઈન્ડિયા દ્વારા સંબંધિત બેંકોમાંથી ઉપાડવામાં આવશે .

જો તમારી પાસે 1 રૂપિયા અને 50 પૈસાના ચોક્કસ પ્રકારના સિક્કા છે, તો તેને બેંકમાં જમા કરાવ્યા પછી તેને ફરીથી જારી કરવામાં આવશે નહીં. આરબીઆઈની સૂચના મુજબ, બેંકને જમા કરાયેલા કેટલાક સિક્કાઓ ફરીથી જારી કરવાની પરવાનગી નથી. આ સિક્કાઓ કાયદેસર રીતે માન્ય છે, પરંતુ આ સિક્કાઓ હવે ચલણમાંથી બહાર કાઢવામાં આવી રહ્યા છે, કારણ કે આ સિક્કાઓ હવે 1990 અને 2000 ના દાયકાના પ્રારંભમાં સામાન્ય લોકોમાં ઉપયોગમાં લેવા માટે ખૂબ જૂના છે. 

આરબીઆઈએ બેંકોને ચેતવણી આપી
રિઝર્વ બેંક ઓફ ઈન્ડિયા (RBI) એ ગ્રાહકો પાસેથી સિક્કા ન સ્વીકારતી બેંકોને ચેતવણી આપી છે કે બેંકો સિક્કા બદલવા માટે આવતા ગ્રાહકોને ના પાડી શકે નહીં, તેઓએ આ સિક્કા સ્વીકારવા પડશે. બજારમાં તમામ પ્રકારના સિક્કા કાયદેસર રીતે માન્ય છે અને તેમાં કોઈ શંકા હોવી જોઈએ નહીં. બજારમાં ચાલતા વિવિધ પ્રકારના સિક્કાઓ પર, આરબીઆઈએ સ્પષ્ટતા કરી હતી કે આર્થિક, સામાજિક અને સાંસ્કૃતિક વિષયો પર સમયાંતરે વિવિધ ડિઝાઇન અને સુવિધાઓવાળા સિક્કા જારી કરવામાં આવે છે.

RBIને એવી ફરિયાદો મળી છે કે દેશના કેટલાક ભાગોમાં વેપારીઓ અને દુકાનદારો કેટલાક સિક્કા સ્વીકારવાનો ઇનકાર કરી રહ્યા છે. ત્યારે આરબીઆઈએ કહ્યું કે આ અફવાઓ છે અને તમામ પ્રકારના સિક્કાઓને સંપૂર્ણ માન્યતા મળી ગઈ છે.

ઓનલાઈન મળી રહેલી ઑફરો વિશે ચેતવણી આપી
રિઝર્વ બેંક ઓફ ઈન્ડિયા (RBI) એ લોકોને જૂની બેંક નોટો અને સિક્કાઓની ખરીદી/વેચાણના સંબંધમાં બજારમાં અને ઓનલાઈન મળી રહેલી ઑફરો વિશે ચેતવણી આપી છે. આરબીઆઈએ સત્તાવાર રીતે માહિતી આપી છે કે કેટલાક લોકો ભારતીય રિઝર્વ બેંકના નામ અને લોગોનો ખોટો ઉપયોગ કરી રહ્યા છે. આ સાથે તેઓ ઓનલાઈન પ્લેટફોર્મ અને માર્કેટ દ્વારા જૂની બેંક નોટો અને સિક્કાઓની ખરીદી અને વેચાણ સંબંધિત વ્યવહારો પર જનતા પાસેથી ફી, કમિશન અને ટેક્સની માંગ કરી રહ્યા છે.

ઓનલાઈન છેતરપીંડીનો ધંધો કરી રહ્યા છે
આરબીઆઈનું કહેવું છે કે રિઝર્વ બેંકનો લોગો જોઈને કોઈની વાતમાં ફસાઈ ન જવું જોઈએ.તેનો ખોટો ઉપયોગ થઈ રહ્યો છે. રિઝર્વ બેંક તમારી પાસેથી કોઈ કમિશન, ચાર્જ કે ટેક્સ લેતી નથી.  કમિશન ચાર્જ માટે કોઈને અધિકૃત કરવામાં આવ્યા નથી. ત્યારે ઘણા લોકો ઓનલાઈન પ્લેટફોર્મ પર જૂની નોટો અને સિક્કાઓનો છેતરપીંડીનો ધંધો કરી રહ્યા છે અને જૂના સિક્કા અને નોટોનાં બદલામાં મોટી રકમની માંગણી કરી રહ્યા છે. જેના કારણે તમારે સાવચેત રહેવાની જરૂર છે.